اسلام آباد ۔ 06دسمبر(اے پی پی) صدر عارف علویءَ گوں برٹش ایشیئن ٹرسٹ ءِ چیف ایگزیکٹو آفیسر رچرڈ ہاکسءِ سروکی ءَ ڈل جمعہ ءِ روچءَ گندء ُنندکتگ ۔ ایوان صدرءَ بوتگیں اے گندء ُ نندءَ صدرءَ گشتگ کہ زالبولاں وت واک کنگءِ ہوالگءَ ٹرسٹءِ کرد لکھ ستاہ کرزایت، ٹرسٹ ءِ زالبولانی ذہنی سلامتی ءِ جیڑہ ء ُ آیانی گیشء ُ گیوار کنگ لکھ ستاہ کرز اَنت ۔ آئیءَ گشتگ کہ ذہنی سلامتی ءِ جیڑہء ُ آیانی گیشء ُگیوار کنگءِ ھاترءَ کمیونٹی ہیلتھ ورکرآناں جدید ٹیکنالوجی ءَ چہ بلد کنگءِ ضلورت اِنت، برٹش ایشیئن ٹرسٹ پاکستان ءَ 10سالاں چہ کارکنگءَ اِنت ۔ اے پاکستانءَ زالبولاناں معاشی ردءَ وت واک کنگءِ ھاترءَ ہنر مندی ءِ دیمروئی ء ُروزگارءِ موہ آں ہوار ذہنی سلامتیءِ سرءَ ہم کار کنگءَ اِنت ۔
