ڈپٹی سپیکر راجی اسمبلی قاسیم خان سروی ءَ گوں سردار اختر جان مینگل ءِ سروکی ءَ ڈل ءِ گند ءُُ نند، آواران ءَ آوار جتگیں زالبول آنی ھوالگ ءَ سرج میں گپ ءُُ تران کنگ بوت

مئے کراّ کجام ھم نمونگ ءِ جیڈھ آ توری گسی جیڈھ ءِ بہ بیت یا قبائلی دلرنجی ءِ بہ بیت ، ھمک جیڈھ ءِ تہ ءَ زالبول آناں شرپ ءُُ ازت ءِ چماں چارگ بیت، ڈپٹی سپیکر راجی اسمبلی قاسم خان سوری

توا میں سٹیک ہولڈرز آنی گوما سرجمی ءَ رابطہ ءِ توک ءَ آں ءُُ سرج میں رنگ ءَ جیڈھ ءِ سر ءُُ بن ءَ پھم آں ، کوشست مپت ءَ نرونت، وزیر ءِ توکی کار اعجاز احمد شاہ ءِ ڈل ءَ را دل یکیمی

اسلام آباد ۔ 06 دسمبر (اے پی پی) ڈپٹی سپیکر قومی اسمبلی قاسم خان سوری ءَ گوں بلوچستان نیشنل پارٹی (مینگل) ءِ صدر سردار اختر جان مینگل ءِ سروکی ءَ یک ڈلے ءَ پارلیمنٹ گس ءَ آئی ءِ چیمبر ءَ گند ءُُ نند کت ۔ گند ءُُ نند ءَ آواران ءَ آوار جتگیں زالبول آنی ھوالگ ءَ سرج میں گپ ءُُ تران کنگ بوت ۔ گند ءُُ نند ءَ بنجاھی وزیر توکی کار ریٹائرڈ بریگیڈیئر اعجاز شاہ، بلوچستان نیشنل پارٹی (مینگل) ءِ راجی اسمبلی ءِ باسک آغا حسن بلوچ ایڈووکیٹ، محمد ہاشم نوتیزئی، ڈاکٹرشہناز بلوچ ھم ساڑی اتنت ۔ وزیر ءِ توکی کار اعجاز احمد شاہ ءِ گوشگ ات کہ آئی ءَ بلوچستان ءِ دود ءُُ ربیدگ ءِ رد ءَ اے گند ءُُ نند کنگ ءِ پیسلہ کتگ ۔ آئی ءَ گیش تران کت کہ ما قبائلی دود ءُُ ربیدگ ءُُ بلوچستان ءِ الس ءِ جوزگ آنی کدر ءَ کناں ۔ اے گند ءُُ نند ءِ مول ءُُ مراد جیڈھ ءَ را جوانیں رنگ ءُُ زوت گیوری درگیجگ انت ۔ وزیر ءِ توکی کار اعجاز احمد شاہ ءَ گند ءُُ نند کنوکیں مردم آناں دل یکیمی دات کہ آوانی کوشست مپت ءَ نرونت ءُُ آئی ءِ حکومت ءِ نیمگ ءَ اچ رنگیں دل تپرکئی ءَ گوں دیم پہ دیمی کنگ نہ کپ ایت ۔ بلوچستان ءُُ آھودے مردم منی دل ءِ نزیک ءَ انت ۔ اعجاز احمد شاہ ءَ گوشت کہ توا میں اسٹیک ہولڈرز آں گوں سرجمی ءَ رابطہ ءِ توک ءَ آں ءُُ سرج میں رنگ ءَ اے جیڈھ ءِ سر ءُُ بن ءَ پھم آں ۔ گند ءُُ نند ءَ پد گپ ءُُ تران کنان ءَ ڈپٹی سپیکر راجی اسمبلی قاسم خان سوری ءَ گوشت کہ بلوچستان مئے گس انت ءُُ یک قبائلی صوبہ ات ءُُ مئے کراّ کجام ھم جیڈھ ءِ بہ بیت آ توری گسی بہ بیت یا قبائلی دلرنجی ات، ھمک جیڈھ ءَ زالبول آناں شرپ ءُُ ازت ءِ نگاہ ءَ چار انت ۔ آئی ءَ گوشت کہ آواران ءَ زالبول آنی دزگیری ءَ چہ پد بلوچستان ءِ الس آنی نیام ءَ گم ءُُ کینگ گندگ بوھگ ءَ انت ۔ بلوچستان ءِ نیشنل پارٹی (مینگل ) سروک سردار اختر جان مینگل ءِ سروکی ءَ ڈل ءَ ڈپٹی سپیکر راجی اسمبلی قاسم خان سوری ءِ اے گامگیج ءَ را ساڑات ءُُ گوشت کہ اگاں بلوچستان ءِ مردم آ توری کجام پارٹی ءَ گوں سیادی بہ دار انت آ یک مشت ءُُ تپاکی ءَ گوں یک مشتی ءَ بلوچستا ن ءِ دیمروئی ءُُ وشھالی ءِ وستہ کار بکن اَنت گڈا آ وھد دور نہ انت وھد ءِ مئے آیوکیں باھند آنی آیوکیں باندات روژنا بیت ۔ آئی ءَ گوشت کہ مئے زھگ آنی دست ءَ وتاس ءِ مٹ ءَ ند ءُُ وانگی بنت ایشی ءَ چہ آ نوکیں زمانگ ءِ علم ءَ در جنان ءَ صوبگ ءُُ ملک ءِ نام ءَ روژنا کن اَنت ۔