اسلام آباد ۔ 06 دسمبر (اے پی پی) پاک فوج انا پنی آ سپوت و 1971 ء نا جنگ انا مایہ ناز جانثار میجر شبیر شریف شہید نا 48 می شہیدی دے ءِ جمعہ نادے آ اڈتننگا ۔ داوخت آ بڑزکو فوجی و سول کمامدارآک شہید نا آخیری آرام گاہ غا حاضری تسر ، پھل آتا چادر شاغار ودعاپاتیا کریر ۔ پاک فوج انا مایہ ناز سپوت میجر شبیر شریف شہید اپریل 1943ء آ ودی مس ، اونا تعلق اسہ راجبوت اُراسے آن ئس ۔ 1971ء ٹی ہراتم بھارت پاکستان آ جارحانہ جلہو کرے تو پاک فوج انا جیالہ غاتے ٹی میجر شبیر شریف ہم اوار ئس ۔ جنگ اٹی میجر شبیر شریف 3 دسمبر نا شام اسکان دشمن ءِ اونا دفاعی قلعہ بند و خندق آتیان پیشن کشا ۔ دامعرکہ ٹی دشمن نا 43سپاہی خلنگار و 4ٹینک بھس مسر ۔ 5 و 6 دسمبر نا نیامی نن میجر شبیر شریف آسام رجمنٹ نا کمپنی کمانڈر ءِ تپاخت کرسا اہم دستاویز آتیا کوزہ کرے ۔ 6 دسمبر آ دشمن خوفناک ءُ ورندی جلہو اس کرے ہراٹی میجر شبیر شریف ہرا پدریسہ دشمن آ سم کاری کریکہ شہید مس ۔ حکومت پاکستان اودے اونا بڑزکو عسکری خذمت آتیا نشان حیدر نا شرف ءِ تس ۔ میجر شبیر شریف لاہور اٹی میانی صاحب نا قبرستان اٹی جہہ جاگہ ءِ ۔ میجر شبیر شریف نا نشان حیدر نا اعزاز 3 فروری 1977 ء آ ایوان صدر اسلام آباد اٹی اڈ ہلوک آ اسہ خصوصی ءُ دود اسے ٹی اونا جنوزان اُرائی ہلک ۔
