منیلا ۔ 06 دسمبر (اے پی پی) ایشیائی شونداری بینک پاکستان کن اسہ ارب ڈالر نا دمدستی بجٹ سپورٹ نا منظوری ءِ تسنے ۔ ایشیائی شونداری بینک نا رداٹ اسہ ارب ڈالر نا بجٹ سپورٹ آن پاکستان نا زرمبادلہ نا کوڑی تیٹی ودکی مریک ۔ مالیاتی بشخ اٹی گچینی بریک و معاشی سوگوی ءِ تقویت ملک ۔ بینک پارے کہ دمدستی بجٹ نا منظوری پاکستان نا کنڈآن جاری نسخان تا مون ءِ توننگ، ریونیو ٹی ودکی و حقدار تپہ غاتا رکھ انا مون آ دننگ نا گام گیج و اوفتا سرسہب نتیجہ غاتا سوب ممکن مس ۔ ایشیائی شونداری بینک پاکستان کن بجٹ سپورٹ آن بیدس توانائی نا بشخ انا اصلاحاتی پروگرام کن سی کروڑ ڈالر وام انا ہم منظوری ءِ تسنے ، دا پیسہ غاتے طرز حکمرانی ، و بنداوی پنجر اٹی گچینی تون اوار پالیسی اڑاند آتے مر کننگ کن تننگک ۔ توانائی نا بشخ انا اصلاحاتی پروگرام نا مسخت بجلی نا پیدواری خڑچ اٹی کمتی و انرجی اکاءونٹنگ ، ٹیرف و سبسڈی نظام اٹی گچینی آن گردشی وام تا مون ءِ توننگ نا ءِ ۔
