اسلام آباد ۔ 06 دسمبر (اے پی پی) قومی اسمبلی ءِ پاننگاکہ کروشیا نا جیل تیٹی داوخت آ مسہ پاکستانی بند ءُ، پاکستانی سفارت خانہ جمہوریہ کروشیا نا امیگریشن کمامدارآتون رابطہ ٹی ءِ ۔ جمعہ نادے آ قومی اسمبلی ٹی عبدالقادر پٹیل نا سوج انا ورندی ٹی ایوان ءِ وزارت خارجہ نا کنڈآن نوشتہی وڑٹ معلومدار کننگانے کہ کروشیا نا جیل تیٹی آصف گل، انجم وقاص و طارق علی پنی ءُ مسہ پاکستانی بندءُ ۔ دافتیان اولیکو اِرا شاری تیا فوجداری وخت اس کہ طارق علی آ انسانی سمگلنگ نا دوبہ بیٹ کننگانے ۔ ہر مسٹ آ پاکستانی شاریک جان جوڑ ءُ ۔ ایوان ءِ پاننگاکہ دا بندی تا زوت یلہ کننگ ءِ آسان کننگ و عدالتی عمل ءِ پورو کننگ کن پاکستانی سفارت خانہ جمہوریہ کروشیا نا امیگریشن کمامدارآتون رابطہ ٹی ءِ ۔ ایوان ءِ معلومدار کننگاکہ غیر کانودی پردیسیک کروشیا ءِ ٹرانزٹ ملک اسے نا وڑاٹ کاریم اٹ اتسا یورپی یونین آن ایپارکارہ ۔ پاکستانی سفارت خانہ بیرہ ہموپاکستانی تا کمک ءِ کیک ہر اپاکستان آ ہِننگ کن تینا نوشتہی رضامندی ءِ ظاہر کیر ۔ پاکستان انٹرنیشنل آرگنائزیشن فارمائیگریشن نا کمک اٹ کمک فراوان کیک و دانا رداٹ چندی پاکستانی مہالو ہم وطن آ پدی بسنو ۔
