اسلام آباد ۔ 06 دسمبر (اے پی پی) وزیراعظم نا خصوصی کمکار امور نوجوانان محمد عثمان ڈار پارینے کہ ورناتے واکدار کننگ نا حکومتی ڈٹ انا عملی بنامسنے ، سرسہب ورناپروگرام نا اولیکو مرحلہ ٹی 100 ارب روپئی جتا کننگانے ، پروگرام نا رداٹ اسٹ آن 50 لکھ روپئی اسکان نا چیک ورناتے تننگک، فاٹا و قبائلی ضلع غاتون اوار مچ آ ملک آن ورناتے پیسہ غاتا ادائیگی مریک ۔ داخیال آتا درشانی ءِ او جمعہ نادے آ تینا بیان اٹی کرے ۔ عثمان ڈار پارے کہ وزیراعظم سرسہب ورناپروگرام نار داٹ ورناتے ٹی چیک بشخنگ نا دود آن خصوصی تران کیک ۔ اوپارے کہ سرسہب ورناپروگرام نا اولیکو مرحلہ ٹی 100 ارب روپئی جتا کننگانے ۔ پروگرام نا رداٹ اسٹ آن 50 لکھ روپئی اسکان نا چیک ورناتے تننگک ۔ فاٹا و قبائلی ضلع غاتون اوار مچ آ ملک آن ورناتے پیسہ غاتا ادائیگی مریک ۔ اوپارے کہ سرسہب ورناپروگرام ڈٹ تغ آن حقیقت اس مننگ ءِ ۔ وزیراعظم اینو جمعہ نادے آ ورناتے تون کروک آ تینا وعدہ ءِ پورو کننگ والا ءِ ۔ ورناتے ملک انا معاشی واک اس جوڑ کینہ ۔ محمد عثمان ڈار پارے کہ پروگرام نا رداٹ لکھ آ ورناک پوسکن آ کاروبار نا است خواہی نا درشانی ءِ کرینو ۔ بنجائی حکومت ورناتے روزگار نا فراوانی نا غٹ آن اہم ءُ موقع اس تننگ ءِ ۔ ڈٹ ورناتے ٹی مقبولیت نا ریکارڈ اس جوڑ کرینے ۔
