ساڑی حکومت اینخو مالی سال اٹی تعلیم نا بشخ انا شونداری کن دوکچ بجٹ خڑچ کیک، بنجائی وزیر ڈٹ بندی ، شونداری و اصلاحات اسد عمر نا ٹویٹ

اسلام آباد ۔ 06 دسمبر (اے پی پی) بنجائی وزیر ڈٹ بندی، شونداری و اصلاحات و خصوصی گام گیج اسد عمر پارینے کہ ساڑی حکومت اینخو مالی سال اٹی تعلیم نا بشخ انا شونداری کن مسلم لیگ (ن) نا حکومت نا خڑچ آتا مقابلہ ٹی دوکچ بجٹ خڑچ کیک ۔ جمعہ نادے آ تینا اسہ ٹویٹ اسے ٹی اوپارے کہ حکومت اینخو مالی سال اٹی تعلیم نا بشخ انا شونداری کن مسلم لیگ (ن) نا حکومت نا خڑچ آتا مقابلہ ٹی دوکچ بجٹ خڑچ کیک، ہرا 30 ارب روپئی آن زیات ءُ ۔ اوپارے کہ پاکستان مسلم لیگ (ن) نا حکومت ملک اٹی بڑزکو تعلیم نا بشخ انا شونداری کن 16;46;4 ارب روپئی خڑچ کرے وخت اس کہ پی ٹی آئی نا حکومت تینا اولیکو سال بشخ آ 14;46;6 درسد زیات بجٹ خڑچ کرے، سال اٹی بڑزکو تعلیم نا بشخ انا شونداری ڈٹ آتیا 18;46;8 ارب روپئی خڑچ کریسس ۔