
اسلام آباد ۔ 06 دسمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ پاکستان اٹی غریب و لس شاری تے تینا اُرانا چھت انا رکھ تننگ کن پیش رفت ترندی اٹ برجاءِ، وزیراعظم عمران خان پوسکن آ پاکستان ہاءوسنگ پروگرام نا رداٹ اُراتا تفنگ نا ڈٹ انا پوروی کن پرعزم ءِ ، جوڑ مروک اُراتا بہاکننگ نا مرحلہ غا فکس خراج نافذ و جوڑ جاڑی مرحلہ غا سیلز خراج نا چٹفنگ شعبہ تعمیرات نا مون آ دننگ و شونداری ٹی مزل نا نشان مریک ۔ جمعہ نادے آ تینا ٹویٹ اٹی ڈاکٹر فردوس عاشق اعوان پارے کہ تعمیرات نا بشخ اتون گنڈوک بندغ آتے کن پین آسانی ودی کننگ انگ ءِ، کیپٹل ویلیو خراج نا کچ ءِ کم کننگ تون اوار اوار ای اشٹام پیپر اس جاری کننگ نا عمل ءِ اتنگ انگ ءِ ۔ اوپارے کہ موکل نامہ و این اوسی تے ممکنہ حد اسکان کم کننگ انگ ءِ ہراڑان تعمیرات نا بشخ ءِ مون آدننگک، معاشی سرجزآتے ٹی ودکی و کسب کار بندغ آتے کن روزگار نا پوسکن ءُ کسر ملنگک و غریب الس ءِ تینا اُرا ملک ۔ اوپارے کہ مچ آ عمل اٹی آسراتی و آسانی ودی کرسا اُراتا تفنگ نا عمل ءِ ترند کننگک ۔ ڈاکٹر فردوس عاشق اعوان پارے کہ وزیراعظم عمران خان نا قوم اتون کروک آ غٹ وعدہ غاک پورو مریرہ ۔