اسلام آباد ۔ 05 دسمبر (اے پی پی) مزن وزیر عمران خان ءَ گوشت کہ گریب ءُُ کمو کٹوکیں مردم آناں ریلیف ءِ پجاری حکومت ءِ اولی کار انت، نیاد آنی کنٹرول ءِ واستہ توا میں انتظامی گامگیج آناں دل یکیمی جوڑ کنگ بہ بیت، پرائس کنٹرول ءِ ھوالگ ءَ ھمک ھپتگ دیوان ءِ سروکی ءَ وت کناں ، ملکی ضلورت آنی رد ءَ ھمروچگیں چیز آں ی پجاری ءَ را دل یکیمی جوڑ کنگ ءِ وستہ آیوکیں باندات ءِ واستہ منصوبگ بندی ءِ ھوالگ ءَ یک مھک میں نظام ءِ جوڑ کنگ بہ بیت تانکہ ھمودا ملکی ضلورت آنی رد ءَ لوٹ بوتگیں دان ءِ کشگ ءَ را دل یکیمی کنگ بہ بیت ۔ سامان ءِ برگ ءُُ آرگ ءِ پڑ ءَ ھم وھد ءِ سر ءَ پیسلہ گرگ بہ بیت، ملاوٹ یک ٹوھیں جیڈھ ات، مزن وزیر ءَ پنت ءُُ شون کت کہ جوانیں ڈیٹا ءِ بنیات ءَ ملاوٹ کنوک آناں در جنگ ءِ ھوالگ ءَ ایکشن پلان جوڑ کنگ بہ بیت ۔ اے ھیالانی درشانی آئی ءَ ھمروچگیں چیز آنی نیاد آنی کنٹرول ءِ ھوالگ ءَ صوبائی حکومت آنی نیمگ ءَ کتگیں گامگیج آنی رد ءَ مزن تکی دیوان ءِ سروکی ءَ کنان ءَ کت ۔ دیوان ءَ وزیر ءِ منصوبگ بندی اسد عمر، وزیر برائے نیشنل فوڈ سیکیورٹی مخدوم خسرو بختیار، سروزیر پنجاب سردار عثمان بزدار، سروزیر خیبرپختونخواہ محمود خان، مشیر تجارت عبدالرزاق داوَد، ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان، صوبائی چیف سیکرٹریز ءُُ ایندگر کلانہ ایں اپسرگ آں بھر زوری کت ۔ صوبائی چیف سیکرٹریز ءَ ھمروچگیں چیز آنی نیاد آنی کنٹرول ءِ ھوالگ ءَ مزن وزیر ءِ پنت ءُُ شون ءِ رد ءَ کتگیں گامگیج ءُُ ایندگر انتظامی ءُُ ایندگر گامگیج آنی ھوالگ ءَ دیوان ءَ را سرپد کت ۔ اے گامگیج آنی تہ ءَ ھمروچگیں چیز آنی نیاد آنی مانیٹرنگ ، منڈی آنی تہ ءَ سامان آنی بولی ءَ را ساپ ءُُ سلہ کنگ ءِ ھوالگ ءَ انفارمیشن ٹیکنالوجی ءِ کارمردی، امبار پُر کنگ ءُُ ناجائزیں سیت گرگ ءِ ھوالگ ءَ گامگیج، دھکان آناں دان ءِ بھا کنگ ءَ آسراتی پجاری ءِ واستہ دھکان آناں مارکیٹ آنی برجائی، اسلام آباد ءِ نمونگے منڈی ءَ چہ گس ءِ دپ ءَ سامان آنی رسینگ ءِ نظام ءَ را سہرا کنگ ءَ ھوار وزارت ءِ نیشنل فوڈ سیکورٹی ءَ سامان آنی لوٹ ءُُ رسگ ءِ رد ءَ وھد ءِ سر ءَ گامگیج جوڑ کنگ ءِ ھوالگ ءَ ھاسیں سیل ءِ جوڑیشت ھوار اتنت ۔
