اسلام آباد ۔ 05دسمبر(اے پی پی) سائنسء ُ ٹیکنالوجی ءِ وزیر فواد چوہدری ءَ گشتگ کہ حکومت آیوکیں لھتیں روچاں پد تپاکی ءَ گوں چیف الیکشن کمشنر آف پاکستان ءِ نامانی جارءَ جنت ۔ نجی ٹی وی نوَچینل ءَ گوں گپء ُتران کنانءَ آئیءَ گشتگ کہ مزن گسءِ گورءَ الیکشن کمیشن ءِ حالی عہدگءَ پُر کنگءِ ھاترءَ تاں انگت 45روچ اَست ، باسکانی نام آنی فیصلہ کنگ بوتگ ۔ آئیءَ گشتگ کہ پی ٹی آئی ءِ حکومت نا انصافی نہ کنت، کسءَ چہ سیاسی بیر گِرگ نہ بیت ۔
