اسلام آباد ۔ 05دسمبر(اے پی پی) سینیٹءِ ڈپٹی چیئرمین سلیم مانڈوی والا پنچ شمبے ءِ روچءَ سندھ اسمبلی ءِ ترء ُتاب، دیوانءِ کاروائی چار اِتگ ۔ صوبائی اسمبلی ءِ باسکاں سینیٹءِ ڈپٹی چیئرمین ءَ را وش اَتک کتگ ۔ سینیٹ سیکرٹریٹ ءِ گشگءِ ردءَ سینیٹءِ ڈپٹی چیئرمین سلیم مانڈوی والاءَ گشتگ کہ دیوان ءِ کاروائی چارگءَ باز وشی رست ۔ آئیءَ گشتگ کہ جمہوریت ء ُجمہوری دودءَ را گیش کنگءَ چہ چاگرد دیمروئی کنت، ایوان بالاءَ صوبہ آناں حق دیءگءِ ھاترءَ ہر وہدءَ توار چست کتگ ۔ آئیءَ گشتگ کہ صوبائی اسمبلی ءِ ترء ُتابءِ مولء ُ مراد ایوان بالاءَ سندھ اسمبلی ءِ نیامءَ نزیکی ءَ را گیش مھکم کنگ اِنت، بُنجاہ ء ُ صوبہ آنی نیامءَ اثرمندیں نزیکیءَ چہ جیڑہ گیشء ُگیوار بنت ۔
