اسلام آباد ۔ 05 دسمبر (اے پی پی) وزیراعظم نا خصوصی کمکار جان جوڑی ڈاکٹر ظفر مرزا پارینے کہ ایچ آئی وی ایڈز انا بابت آگاہی ودی کننگ وخت انا اہم ءُ گرج اسے ، سرنچ آتا دُوارہ کاریم اٹ اتنگ آ پابندی و دتر نا رکھ گدریفنگ ءِ پک کننگ انگ ءِ ۔ پنچ شنبے نادے آ تینا اسہ بیان اسے ٹی اوپارے کہ ایچ آئی وی ایڈز انا بابت آگاہی ودی کننگ وخت انا اہم ءُ گرج اسے و داناجوڑی آن بچنگ کن سرنچ آتا دُوارہ کاریم اٹ اتنگ آ پابندی تون اوار اوار دیر نا رکھ گدریفنگ ءِ ہم پک کننگ انگ ءِ ۔ اوپارے کہ ایچ آئی وی ایڈ ز انا چٹفنگ کن قومی لاءحہ عمل اس تیار کننگانے ہرانا مسخت سرنچ آتا دُوارہ کاریم اٹ اتنگ آ پابندی و دتر نا رکھ انتقال ءِ پک کننگ نا ءِ ۔ اوپارے کہ دا گام گیج آک دا مرض ءِ تالان مننگ آن توننگ اٹ کمکار مریک ۔ خصوصی کمکار پارے کہ انجکشن نا رکھ انا بابت ہم اسہ خصوصی ءُ ڈٹ اس ہم جوڑ کننگانے ۔ اوپارے کہ اسہ ٹاسک فورس اس ٹہیفنگانے ہرا انجکشن نا رکھ کاریم اٹ اتنگ نا بابت قاعد و ضابطہ اس جوڑ کننگ کن ڈرگ ریگولیٹری اتھارٹی تون اواری اٹ کاریم کیک ۔ خصوصی کمکار پارے کہ سرنچ آتا دُوارہ کاریم اٹ اتنگ اٹ کمتی کن بروک آسال آن سرنچ آتا خودکار زیان نا نظام اس درستی راستی کرفنگک ۔
