اسلام آباد ۔ 05 دسمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ شہباز شریف اول تینا پارٹی ٹی ان ہاءوس بدلی اتے ولدا پارلیمان اٹی بدلی نا ہیت ءِ کے ۔ پنچ شنبے نادے آ اسہ ٹویٹ اسے ٹی او پارے کہ ن لیگ نا صدر شہباز شریف ءِ ولے فیصلہ غاتے اونا جاگہ غا پین اس کیک، کٹھ پتلی صدر مننگ آن جوان ءِ کہ اول تینا پارٹی نا حقی صدر تو جوڑ مرے ۔ اوپارے کہ ان ہاءوس بدلی نا بیان پشی نا تغ اٹ چھیچڑہ آنبار ءِ ۔ دا ارمان تیکن اوفتے تون ہمدردی ہی کننگ مریک ۔ خصوصی کمکار پارے کہ ان ہاءوس بدلی نا شوبازی ءِ کپس، پارلیمان آ برسا کانودسازی نا زمواری ءِ پورو کیر ۔ ڈاکٹر فردوس عاشق اعوان پارے کہ چیئرمین سینیٹ بدل کننگ نا باندات اٹی اپوزیشن ءِ ہراہزیمت تون مون تروئی تما او دے شاید شہباز شریف است آن درینے ۔ بلاول و مولانا ہم پارلیمان نا بالادستی نا تینا دعویٰ تیا عمل کیر و پارلیمان اٹی کانود سازی نا بابت تینا جماعت آتے یرغمال کپس ۔
