اسلام آباد ۔ 05 دسمبر (اے پی پی) مزن وزیر ءِ ھاسیں کمکار برائے کیاسگری وزارت توکی کار شہزاد اکبر ءَ گوشت کہ شہباز شریف ءُُ آئی ءِ ھاندان ءِ ماڑی آنی تہ ءَ آوانی جندے دور ءُُ باریگ آنی تہ ءَ ترندی ءَ گوں گیشی بوتگ، آئی ءَ وتی سیاسی مشیر ءُُ زاتی مزدگری آنی وسیلگ ءَ زرّ آناں گیر کانودی رنگ ءَ ٹرانسفر، برطانیہ ءِ نیشنل کرائم ایجنسی ءِ رد ءَ چہ پاکستان ءَ را 190ملین پاءونڈ رستگ انت، مھک میں شاھدی آنی رد ءَ نیب ءَ را ترندی ءَ گوں کاروائی کنگ لوٹ ایت ۔ آ پنچ شمبے ءِ روچ ءَ بنجاھی وزیر برائے رسانک ءُُ پوسٹل سروسز مراد سعید ءِ ھمبراھی ءَ پریس کانفرنس ءَ گوں گشتانک دیان ءَ کت ۔ آئی ءَ گوشت کہ نیب ءَ 2018ءَ پٹ ءُُ پول بندات کتگ ایشی ءِ تہ ءَ اے گپ سہرا بوتگ کہ شہباز شریف ، آئی ءَ لوگی نصرت شہباز، حمزہ شہباز ءُُ ھاندان ءِ ایندگر مردم آنی ماڑی آنی تہءَ گوستگیں دور ءُُ باریگ ءَ گیشی بوتگ، سلمان شہباز ءِ ماڑی آنی تہ ءَ 8ہزار دو سرئی گیشی بوتگ، ھمے رد ءَ ھاندان ءِ ایندگر مردم آنی ماڑی ود اِتگ اَنت ۔ آئی ءَ گوشت کہ دروگیں ٹی ٹیز جتگ ءُُ ڈن ءَ چہ زرّ وتی اکاءونٹ ءَ روان داتگ ءُُ گوشتگ مئے ڈکلیئرڈ مال ءُُ مڈی اَنت، منظور پاپڑ والا، قدیر کڑاہی والا ءُُ مشتاق چینی ءِ وڑیں مردم آنی وسیلگ ءَ ٹی ٹیز ءِ نام ءَ زرّ ڈن ءَ روان دیگ بوتگ، آئی ءَ منی لانڈرنگ ءَ چہ در جنگ بوت زرّ وتی جتائیں کاروبار آناں دیمروئی دیگ ءِ واستہ کارمرد کت ۔ اے کاروبار ’’ اتفاق کاروبار‘‘ ءَ چہ جتا انت ۔ نیب پٹ ءُُ پول ءِ ساھت ءَ آئی ءِ منی لانڈرنگ ءِ ھوالگ ءَ نوکیں گپ سہرا بوتگ ۔ آئی ءَ گوشت کہ شہباز شریف ءَ گوشتگ کہ آ ڈیلی میل ءِ ھلاپ کاروائی کنت انت پدا ھم آئی ءَ کاروائی نہ کتگ ۔ شہزاد اکبر ءَ گوشت کہ من ایشرا یشی ءِ واستہ کانودی ءُُ مالی کمک پجارینگ ءِ واستہ تیار آں ، آئی ءَ کاگدی کمپنی آں چہ اے گپ ءَ را سہرا کنگ ءِ کوشست کت کہ مئے درستیں چیز کانودی انت، جی این سی نامی کمپنی ءِ سئے ڈائریکٹر نثار احمد گل ، ملک علی احمد ءُُ طاہر نقوی انت، ایشانی تہ ءَ دو ایشانی سیاسی مشیر ءُُ یک ءِ زاتی مزدگر ات، نثار احدم گل نیب ءِ بندی انت ۔ ا اٗی ءَ من اتگ کہ جی این سی یک کاگدی کمپنی ءِ بوتگ ایشرا سلمان شہباز ءَ چلائینتگ ۔ اے کمپنی منی لانڈرنگ ءِ واستہ جوڑ کنگ بوتگ، دروگیں سیلز ءَ چہ سہرا کنگ بوتگ کہ اے کمپنی ءَ 2015ءَ چہ 2017ءِ ساھت ءَ 7ارب ءِ بزنس کتگ ۔ ھاسیں کمکار ءَ گوشت کہ منصور انور ءُُ شعیب قمر آئی ءِ کیشن بوائز بوتگ اَنت، مزن وزیر سیکرٹریٹ ءَ چہ اے کار ءَ را چلائینگ بوتگ ۔ ایشانی تہ ءَ یک کیشن بوائے 1;46;25ارب کلدار خادم اعلیٰ ءِ اکاءونٹس ءَ جم کنت انت ءُُ آ اے زرّ آناں وتی لوگی تہمینہ درانی ءِ ھوالگ ءَ کنگ ، دوئیں کیشن بوائز ھم دزگیر انت ۔ اے کیش بوائز آں سلمان شہباز ءِ اکاءونٹس آناں ھم نگدی زرّ جم کتگ ۔ دبئی ءَ بیگم نصرت شہباز ءُُ سلمان شہباز ءِ ٹیل ٹیز ءِ واستہ کارمرد بوھوکیں کمپنی ھما تو نہ انت آئی ءَ آصف علی زرداری ءِ واستہ منی لانڈرنگ کت ۔ آئی ءَ گوشت کہ مھک میں شاہدی ءِ رد ءَ نیب ءَ را ترندیں کاروائی کنگ لوٹ ایت ۔ آئی ءَ گوشت کہ ٹی ٹیز ءِ وسیلگ ءَ زرّ آنی ٹرانسفر جرم نہ انت بلے ٹی ٹیز ءِ وسیلگ ءَ منی لانڈرنگ کنگ جرم انت ۔
