چیئرمین ایڈ ایشیا کانفرنس سرمد علی ءِ اے پی پی ءَ گوں ھاسیں گپ ءُُ تران

ایڈ ایشیا کانفرنس ، اولی رنف ءَ آیوکیں درملکی گشتانکار رچرڈ کوئسٹ‘ سر مارٹن سورل پاکستان ءِ پاگواجہ بیت، سرمایہ کاری ءِ واستہ دگنیا ءِ تہ ءَ جوانیں ملک نامینت، لاہور ءَ کانفرنس ءِ جوڑیشت پاکستان ءِ درستاں چہ مستریں کامیاتی انت، معیشت ءِ نوکیں کشک پچ بنت، چیئرمین ایڈ ایشیا کانفرنس سرمد علی ءِ اے پی پی ءَ گوں ھاسیں گپ ءُُ تران

لاہور ۔ 4 دسمبر(اے پی پی )چیئرمین ایڈایشیا کانفرنس 2019 لاہور سرمد علی ءَ گوشت کہ ایڈ ایشیا کانفرنس ءَ بھر زوری کنوکیں راجی ءُُ میاں اوستمانی گشتانکار کمیونیکیشن ءِ پڑ ءَ سک باز تجروبتی منگ بنت، پاکستان سرمایہ کاری ءِ واستہ دگنیا ءِ گہتریں ملک ات، ایڈایشیا کانفرنس ءَ بھر زوری کنوکیں درملکی گشتانکار آنی تہ ءَ یک ات رچرڈ کوئسٹ‘ سر مارٹن سورل اولی رند ءَ پاکستان ءَ کئیت ءُُ پاکستان ءَ آیگ ءَ چہ سسا ساچ آنی تہ ءَ مٹی بوتگ ءُُ آئی ءَ گوشت کہ پاکستان یک مہمان داریں ءُُ ایمنیں ملک ات، آ چار شمبے ءِ روچ ءَ اے پی پی ءَ گوں ھاسیں تران کنان ءَ کت، چیئرمین ایڈ ایشیا کانفرنس ءَ گوشت کہ پاکستان ءِ دو کشک انت، یک ات کہ آ روبرکتی میڈیا دگنیا ءَ را پیش دار ایت ءُُ دومی ھما کہ آ روبرکت ءَ چہ گشتانکار پاکستان ءَ کاینگ ءُُ ادا وتی تجروبت آن دزگیر کن اَنت ءُُ آ زان اَنت کہ پاکستان یک بے دروریں ملک ات ، ادا اے گپ ءِ ضلورت انت کہ سرج میں دگنیا ءَ چہ ایوک ءَ پاکستان ءِ گپ جنگ بیت چیا کہ پاکستان ھم یک برانڈ ات، تاں وھد ءِ ما پاکستان ءِ سر ءَ چمشانک نہ دیاں تاں وھد ءِ مارا دلبڈیں آسر نہ رس ایت ۔ آئی ءَ گوشت کہ ایڈ ایشیا کانفرنس ءَ چہ پاکستان ءِ جوانیں امیج سہرا بیت، آئی ءَ گوشت کہ ایڈ ایشیا یک انچیں موہ ات کہ ایش ایشیا ءِ مردم آناں یک ءِ دومیگ ءِ ھیالانی زانگ ءِ موہ رسیت ، ایڈایشیا ءِ لاہور ءَ کامیاتیں برجمی پاکستان ءِ کامیاتی انت، اے رنگیں پروگرام آں چہ پاکستان ءِ معیشت ءَ را نوکیں کشک رسیت ، آئی ءَ گوشت کہ ایڈ ایشیا ھم دو سال ءَ چہ پد ایشیا ءَ برجم دارگ بوھگ ءَ انت، سی سال پیسر 1989ءَ پاکستان ءَ کامیاتیں کانفرنس برجم دارگ بوتگ ایشی ءِ تہ ءَ ملکی ءُُ میاں اوستمانی سد آنی کساس ءَ ایڈورٹائزنگ ایجنسی آنی کمیونیکیشن ایکسپرٹ ءَ بھر زوری کتگ اَت ۔