اسلام آباد ۔ 4 دسمبر (اے پی پی) بنجاھی وزیر وانگ ءُُ زانگ ءُُ کزبی ھیل کاری شفقت محمود ءَ گوشت کہ 18ھژدھمی مٹ ءُُ بدلی ءَ چہ پد بازیں مت ءُُ بدلی اتکگ اَنت، 5 سال ءَ چہ 16سال ءِ زھگ آناں زانت ءُُ زانش ریاست ءِ زمہ واری انت، بنجاھ اچ کسے کانودی مستری ھد ءُُ ابیل آنی تہ ءَ پینگ جنگ نہ لوٹ ایت، زانشت ءِ ھوالگ ءَ راجی چیلنجز آناں گیوار کنگی انت ۔ اے ھیالانی درشان آئی ءَ انسٹیٹیوٹ آف سوشل اینڈ پالیسی سائنسز (آئی سیپس) ءِ چیر دستی ءَ پاکستان ءِ زانشتی جیڈھ آنی بنگپ ءِ سر ءَ سلام ءَ برجم داشتگیں راجی کانفرنس ءَ گشتانک ءِ تہ ءَ کت ۔ آئی ءَ گوشت کہ مئے نظام ءِ وانگ ءَ نا انصافی ات، ملک ءَ سئے رنگ ءِ نظام چلگ ءَ انت، 25لکھ زھگ مدرسہ ءَ رونت، ما زانشت ءِ جیڈھ آنی چار ءُُ تپاس گرگی انت ۔ نظام ءِ زانشت ءِ بابت ءَ جیڈھ آناں راجہ پالیشی ءِ تہ ءَ ھوار کتگ ۔ آئی ءَ گوشت کہ بنجاھی حکومت یک راجی وانگی یے ٹھینگ ءَ انت ایش مدرسہ آنی تہ ءَ ھم وانینگ بیت ۔
