اسلام آباد ۔ 4دسمبر(اے پی پی) مزن وزیرءِ سی ڈی اے پڑءِ حاسیں کمک کار علی نواز اعوان ءِ مزن گسءِ ڈنءَ حال درءَ گوں گپء ُتران کتگ ء ُ گشتگ کہ معاشی پالیسی آنی جوانیں بروبرد اُلسءَ را سربنت، اولی حکومت اِنت کہ تنا کارء ُ کردءِ سرءَ یقین کنت، مزن وزیر ءَ تچکءَ گشتگ کہ ہرکس کرد پیلو کنت آ کابینہءِ بھر بوت کنت ۔ چارشمبے ءِ روچءَ مزن گسءِ ڈنءَ میڈیا ءَ گوں گپء ُ تران کتگء ُ آئیءَ گشتگ کہ مزن وزیر ءِ معاشی ٹیم ءِ جوانیں پالیسی آنی برورد اُلسءَ را سر بنت ۔ ملکءِ معیشت جوان بوہگءَ اِنت ۔ موڈیزءَ ہم وتی رپورٹءَ پاکستان ءِ معیشتءَ را جوان گشتگ ۔ آئیءَ گشتگ کہ حکومتءَ وتی کرنٹ اکاءونٹ خسارہ ءَ راکم کتگء ُ 35درسد کم کتگ وہدے کہ ٹیکس نیٹءَ را گیش کتگء ُ59درسد کتگ ۔ مزن وزیرءِ حاسیں کمک کار ءَ گشتگ کہ اولی حکومت اِنت کہ کارء ُکردءِ سرءَ یقین کنت ۔ مزن وزیرءَ گشتگ کہ ہرکس کرد پیلو کنت آ کابینہءِ تہ بیت ۔ یک جستے ءِ پسوءَ آئیءَ گشتگ کہ مسلم لیگ نءَ گوستءَ ایچ نادراہ جاہ جوڑ نہ کتگ کہ آ آھود ہ وتی علاجءَ بہ کن اَنت ۔ آیاں دہ سالاں وانگء ُزانگ، جانء ُسلامتی ءَ ہوار دگہ اُلسی پائدگءِ منصوبہ آنی ہوالگءَ ہم ایچ پالیسی جوڑ نہ کتگ ۔
