اسلام آباد ۔ 4دسمبر(اے پی پی) کمانڈر رائل بحرین نیول فورس ریئر ایڈمرل محمد یوسف العاصم ءَ نیول ہیڈکوارٹرز اسلام آبادءِ ترء ُتاب کتگء ُ امیرالبحر ایڈمرل ظفر محمود عباسی ءَ گوں گندء ُ نندکتگ ۔ پاک بحریہ ءِ جارچین ءِ گشگءِ ردءَ نیول ہیڈکوارٹرز سربوہگءَ پاک بحریہ ءِ سروک ایڈمرل ظفر محمود عباسی ءَ حاسیں مہمان ءَ را وش اَتک کتگ ۔ حاسیں مہمانءَ را دودء ُربیدگی ترزءَ گارڈآف آنر پیش کنگ بوتگ ء ُ حاسیں مہمان ء َ را گوں پرنسپل اسٹاف آفیسرز ءَ پجّار کنائینگ بوتگ ۔ کمانڈر رائل بحرین نیول فورس ءَ پاک بحریہ ءِ سروکءَ گوں گندء ُنندکتگ ۔ گندء ُنندءَ دونیمگی کاراں دوئیں ملک آنی نیامءَ کمک ءَ را گیش کنگءِ سرءَ ھیالء ُلیکہءِ درشانی کتگ ۔ پاک بحریہءَ خطہ ءَ زری سلامتی ء ُ امنء ُایمنی ءَ را الم کنگ ء ُ ناشرکاری ءِ حلاپ ءِ جنگءَ پاکستانءِ کردءَ پدر کتگ ۔ ایشیءَ پد حاسیں مہمان ءَ را شونشت دیءگ بوتگ ء ُ مقبوضہ کشمیرءَ جاری بھارتی زُلمء ُ ناحقی ءِ سرءَ پاکستانی لیکہءَ چہ سرپد کتگ ۔ حاسیں مہمان ءَ خطہءَ بحری سیکیورٹی ء ُ مھکمیءِ ہوالگءَ پاک بحریہ ءِ کوشستاناں ساڑاتگ ۔ کمانڈر رائل بحرین نیول فورس ءِ ترء ُتابءَ چہ دوئیں ملک حاس بحری فوج آنی نیامءَ دونیمگی کمک گیش بنت ۔
