پاکستان ءِ بحری حدء ُسیمسرآں استیں بازیں مڈّی آں کارمرز کنگءِ ضلورت اِنت
اسلام آباد ۔ 4دسمبر(اے پی پی) پاک بحریہ ءِ ریئرایڈمرل زبیر شفیق ءَ گشتگ کہ پاکستانءِ بحری حدء ُ سیمسراں بازیں مڈّی اَست ایشانی کارمرز کنگ ءِ ضلورت اِنت ۔ آ پاکستان بحریہ ءِ چیردستی ءَ سئمی میری ٹائم سکیورٹی ورکشاپ ءَ گوں تران کنگءَ بوتگ ۔ اے ورکشاپ چارشمبے ءِ روچءَ لاہورءَ بندات بوتگ، پاکستان نیوی وار کالج ءِ کمانڈنٹ ریئرایڈمرل محمد زبیر شفیق میری ٹائم سکیورٹی ورکشاپءِ بنُگیجی سیشن ءِ حاسیں مہمان بوتگ ۔ پاک بحریہ ءِ جارچین ءِ گشگءِ ردءَ ریئرایڈمرل زبیر شفیق ءَ باسکاں گوں تران کتگء ُ گشتگ کہ میری ٹائم سکیورٹی ورکشاپ کنگءِ مولء ُ مراد بحری معیشت ء ُ کارانی نیمگءَ دلگوشی کنگ اِنت ۔ آباتی ءِ تہءَ گشادی ءِ گوما گیشی ءِ سوبءَ نوں دنیا زمین آسراتی ءِ جاگہءَ بحری آسراتی حاصل کنگءِ وائشت مند اِنت ۔ آئیءَ گشتگ کہ پاکستان ءِ بحری حدء ُ سیمسراں بازیں مڈّی اَست کہ ایشانی کارمرز کنگءِ ضلورت اِنت ۔ ریئرایڈمرل زبیر شفیق ءَ گشتگ کہ میری ٹائم سکیورٹی ورکشاپء ُ دگہ کوشستانی وسیلگءَ پاک بحریہ ملک ءَ میری ٹائم سرپدی گیش کنگ ءِ کوشستاں کنگءَ اِنت ۔ پاک بحریہ جارچین ءِ گشگءِ ردءَ میری ٹائم سکیورٹی درائیں بحری ھترہ آ ں ہوار ریاستی ء ُ غیر ریاستی ھترہ آں چہ رکھین ایت ۔
