اسلام آباد ۔ 4دسمبر(اے پی پی) آپی آسراتی ءِ بنجاہی وزیر فیصل واوڈا ءَ گشتگ کہ پاکستان ء ُ ترکی ءِ نیامءَ جہلانکیں ء ُ دیریگیں سیادی اَست، انوگیں حکومت ترکی ءَ گوں دوستیں سیادی ءَ را گیش دیمروئی دنت ۔ اے ھیالانی درشانی آئیءَ چارشمبے ءِ روچءَ ترکی ءِ سفیر احسان مصطفی یرداکل ءَ گوں گندء ُ نند کنانءَ کتگ ۔ گندء ُ نندءَ دونیمگی سیادی ء ُ کمک ءَ را گیش کنگ حاس آپی آسراتی ءِ پڑءَ گہتری آرگءِ ہوالگءَ بازیں کارانی سرءَ ھیالء ُ لیکہءِ درشانی کتگ ۔ اے موہءَ پاکستان ء ُ ترکی ءِ نیامءَ دونیمگی کمک ءَ را گیش کنگءِ پڑ ء ُ پہ صنعت ءِ گہتری ءِ ھاترءَ یکجاہ کار کنگء ِ سرءَ تپاک کنگ بوتگ ۔ بنجاہی وزیر فیصل واوڈا ءَ آپی آسراتی ءِ پڑءِ گہتری ءِ ھاترءَ ترک سفیر ءَ را سرج میں کمک ءِ اوست داتگء ُ گشتگ کہ پاکستان ء ُ ترکی ءِ نیامءَ جہلانکیں ء ُ دیریگیں براتیں سیادی اَست اَنت ۔ آئیءَ گشتگ کہ انوگیں حکومت ترکی ءِ گوما وتی دوستیں سیادی ءِ پالیسی ءَ را جاری داریت ۔
