اسلام آباد ۔ 4دسمبر(اے پی پی) صدر ڈاکٹر عارف علوی ءَ پیمرا ءَ را پنتء ُشون کتگ کہ جنسی زورء ُ زبردستیءِ آماچ زھگانی گلگودارءَ پیش داروکیں مراگشانی ہوالگءَ قانود جوڑ کنگ بہ بیت ۔ چارشمبے ءِ روچءَ وتی یک ٹویٹءَ صدرءَ گشتگ کہ یک ٹی وی چینل ءِ مہمان جہلءَ مردمانی دیما جنسی زورء ُ زبردستیءِ آماچیں زھگانی گلگودار کتگء ُ آیاناں ٹیلی کاسٹ کتگ بلے آئیءَ اے چیزءِ ھیال داری نہ کتگ کہ آئیءِ نفسیاتی ء ُ سماجی اثر چے بوت کناں ، دنیا آ زھگاناں کلاگ ء ُ چیوا کنت ۔ صدرءَ گشتگ کہ اے جیڑہ ءِ سرءَ آئی ءَ پیمرا ءِ چیئرمین ءَ را ہم سرپد کتگ بلے ایشیءَ ابید اے پروگرام یک رندے پدا ٹیلی کاسٹ کنگ بوتگ ۔ صدرءَ گشتگ کہ وڑیں مراگشانی ہوالگءَ قانود اَست بلے ایشی ءِ سرءَ عمل کنگ نہ بوتگ ۔ آئیءَ گشتگ کہ دنیاءَ ایچ جاگہ ءَ اے وڑ نہ بیت، اے سک باز اپسوز ءِ گپ اِنت ۔
