اسلام آباد ۔ 04 دسمبر (اے پی پی) وزیر مملکت موسمیاتی بدلی زرتاج گل پارینے کہ مسلم لیگ (ن) لاہور نا چاگڑد ءِ بھس کرسا داسہ ہرا باہ اتون دانا ویل انا ہیت ءِ کیرہ ۔ ہڑتوم آ دقیانوسی جماعت آتا سرکڑدہ غاک تینٹ ہی تینا شونداری نا دعویٰ تے دروغ پک کننگ ءُ، چارشنبے نادے آ تینا ٹویٹ اٹی زرتاج گل پارے کہ لاہور نا چاگڑد ءِ بھس کرسا نون لیگیک داسہ ہرا باہ اتون داویل آتا ہیت ءِ کیرہ ۔ او70 درسد لاہور نا خرسی ءِ چٹفسا سیمنٹ نا پول جوڑ کریر، ننا حکومت گیشتر پالیسی تا کمک اٹ باندات آتے سر تننگ ءِ ۔ اوپارے کہ ہڑتوم آ دقیانوسی جماعت آتا سرکڑدہ غاک تینٹ ہی تینا شونداری نا دعویٰ تے دروغ پک کننگ ءُ و ہراتم تینٹ ناجوڑ مریر تو ملک اٹی اسہ ہسپتال اس ہم دُن ءُ اف ہراڑادا اعتبار کرسا تینا درمان ءِ کرفنگ کیر ۔ اوپارے کہ نن عدالت آتا فیصلہ غاتا شرف ءِ کینہ ۔
