اسلام آباد ۔ 04دسمبر (اے پی پی) چین پاکستان اقتصادی راہداری (سی پیک ) ڈٹ پاکستان نا آخبت نا ضامن ءِ ، دا ڈٹ پاکستان و چین نا نیام اٹ تزویراتی شریداری ٹی اسہ اہم ءُ تمبہ سے ۔ سی پیک اتھارٹی نا کمامدارآک ’’اے پی پی‘‘ ءِ پاریر کہ سی پیک ڈٹ انا شفافیت آ ہرفوک آ غٹ اعتراض آک بے بنداو و من گھڑت ءُ ۔ سی پیک ڈٹ پاکستان نا روشنا آخبت ناضامن و پاک چین تزویراتی شریداری نا اہم ءُ تمبہ سے ۔ چین پاکستان اٹی 120 پروجیکٹ آتیا کاریم کننگ ءِ ہرافتے ٹی 22 سی پیک پروجیکٹس اوار ءُ ۔ دا پروجیکٹ آتے ٹی پاکستان نا 75 ہزار آن زیات ہندی خلقت ءِ روزگار نا وارخواہی دوبسنے و 2030 ء اسکان اوفتا کچ 23لکھ اسکان سرمریک ۔
