اسلام آباد ۔ 04دسمبر (اے پی پی) پاکستان تحریک انصاف نا باسک قومی اسمبلی رانا قاسم نون پارینے کہ جہانی برادری مقبوضہ کشمیر اٹی بھارت نا ظلم و انسانی حق آتا خلاف ورزی نا برخلاف تینا کڑد ءِ اداکے، اپوزیشن نا شرف ءِ ولے معاملہ غاتے جمہوری وڑاٹ فلور آف دی ہاءوس آ اتیر تو حکومت بخیراٹ پاہک، وزیراعظم عمران خان ملک وقوم ءِ مشکل حالیت آتیان کشنگ کن دے و نن ءِ اسٹ کرینے ۔ ’’اے پی پی‘‘ تون گپ و تران کرسا اوپارے کہ ملک حکومت ءِ تدوک آ حکومت آتے ٹی ملا معاملہ غاتا سوب آن مشکل حالیت آتیان گدرینگ انگ ءِ ولے تحریک انصاف نا حکومت پرعزم ءِ کہ دا معاملہ غاتے ایسر کیک ۔ اسہ سوج اسے نا ورندی ٹی او پارے کہ کشمیریک دنیا غا پیدوار کرینو کہ او بھارت نا جارحیت آن پد ہم تینا آجوئی نا موقف آ سلوک ءُ و کشمیر نا آجوئی آن بیدس ہچ ءُ آپشن اسے امنا کپسہ ۔ اوپارے کہ جہانی برادری مقبوضہ کشمیر اٹی بھارت نا ظلم و انسانی حق آتا خلاف ورزی نا برخلاف تینا کڑد ءِ اداکے ۔
