تعلیمی بشخ اٹی اصلاحات وخت انا اہم ءُ گرج اسے، انسانی شونداری و تعلیم نا کمک اٹ سوچ اٹی بدلی اتنگ مریک
اسلام آباد ۔ 04 دسمبر (اے پی پی) چیئرمین قائمہ کمیٹی کانود و انصاف ریاض فتیانہ پارینے کہ پاکستان نا اصل ویل نیزگاری و انتہاپسندی ءِ ، تعلیمی بشخ اٹی اصلاحات وخت انا اہم ءُ گرج اسے ، انسانی شونداری و تعلیم نا کمک اٹ سوچ اٹی بدلی اتنگ مریک ۔ داخیال آتا درشانی ءِ او انسٹی ٹیوٹ آف سوشل اینڈ پالیسی سائنسز (آئی سیپس ) نا کنڈآن پاکستان ءِ مون تروک تعلیمی چیلنج آتا سرحال آن اسلام آباد اٹی اڈ ہلوک قومی کانفرنس آن تران اٹی کرے ۔ چیئرمین قائمہ کمیٹی کانود و انصاف پارے کہ پنجاب اٹی اسکول ٹیچر نا دہ ہزار آسامی فنڈ مفننگ نا سوب آن خورک تموکءُ ، تعلیمی ادارہ غاتے ٹی گوازی، اسکاءوٹنگ ہنانے چٹانے ، ہراتم کہ ٹیچر ز ہی اسکول اٹی مفک تو گچین تعلیم دوئی کننگ ہمہ ممکن مریک ۔ داوخت آ پارلیمانی سیکرٹری پلاننگ اینڈ ڈویلپمنٹ کنول شوزب پارے کہ نظام اٹی اصلاحات و گچینی کن ایس ڈی جیز نا ایجنڈاغا عمل کننگ اُن، پنجاب اٹی تعلیم نا بابت گچین اصلاحات کننگانے ۔ اوپارے کہ تعلیمی نظام اٹی گچینی کن غٹ کڑدہ غاتے تیناکڑد ءِ ادا کروئی مریک ۔ داوخت آ تعلیمی بشخ اتون گنڈوک چندی ترانکار آک شعبہ تعلیم ءِ مون تروک ویل آتون مون تننگ کن سلاہ ہم پیش کریر ۔
