اسلام آباد ۔ 04 دسمبر (اے پی پی) بنجائی سیکرٹری بحری امور رضوان احمد نا کماشی ٹی پاکستانی ڈل لائیڈز مارکیٹ ایسوسی ایشن نا سروک نیل رابرٹس و اینڈ ریومولٹن تون لائیڈز ایسوسی ایشن نا مرکزی دفتر لندن اٹی اوڑدہی کرے ۔ ڈل ایسوسی ایشن نا عہدیدار آتے پاکستانی پوریاگر تے کبین انشورنس نا سوب آن مون تروک ویل آتیان معلومدار کرے ۔ دانا بھلا سوب پاکستان ءِ لائیڈ ایسوسی ایشن نا جوائنٹ وار کمیٹی نا کنڈآن ہائی رسک کیٹیگری ٹی اوار کننگ ناءِ ۔ ایسوسی ایشن ءِ پاننگاکہ وار کمیٹی نا فیصلہ متکن آ حساب وکتاب نابنداو آ کننگا ہراکہ داسہ یکسر بدل مسنے، ساڑی حالیت آتے اگہ ہُننگے تو پاکستان ہائی رسک کیٹیگری آن پیش تمنگ نا پورو اہلیت تخک ۔ اینڈ ریوبولٹن و نیل رابرٹس پاکستانی ڈل انا سفارشات آتا ستاءِ کریر و داہیت انا باوری کرفیر کہ او وار کمیٹی کن سرجم آتے یکجا کروک آ ایجنسی ہر مینیئس و پاکستانی کمامدار آتے ٹی نئے بیرہ رابطہ قائم کننگ اٹ مدت ایترہ بلکن دا ویل ءِ وار کمیٹی نا سہ ماہی دیوان اٹی ہم تالان کینہ ۔
