اسلام آباد ۔ 04 دسمبر (اے پی پی) کمانڈر رائل بحرین نیول فورس ریئر ایڈمرل محمد یوسف العاصم نیول ہیڈ کوارٹرز اسلام آباد نا دورہ ءِ کرے و امیر البحر ایڈمرل ظفر محمود عباسی تون اوڑدہی کرے ۔ ترجمان پاک بحریہ نا رداٹ نیول ہیڈ کوارٹرز آ بننگ آ پاک بحریہ نا سروک ایڈمرل ظفر محمود عباسی شرفدار آ مہمان ءِ بخیر کرے ۔ شرفدار آ مہمان ءِ روایتی وڑاٹ …
کمانڈر رائل بحرین نیول فورس ریئر ایڈمرل محمد یوسف العاصم نا نیول ہیڈ کوارٹرز اسلام آباد نا دورہ
گیشتریں ھال
اسلام آباد ۔ 04 دسمبر (اے پی پی) کمانڈر رائل بحرین نیول فورس ریئر ایڈمرل محمد یوسف العاصم نیول ہیڈ کوارٹرز اسلام آباد نا دورہ ءِ کرے و امیر البحر ایڈمرل ظفر محمود عباسی تون اوڑدہی کرے ۔ ترجمان پاک بحریہ نا رداٹ نیول ہیڈ کوارٹرز آ بننگ آ پاک بحریہ نا سروک ایڈمرل ظفر محمود عباسی شرفدار آ مہمان ءِ بخیر کرے ۔ شرفدار آ مہمان ءِ روایتی وڑاٹ گارڈ آف آنر پیش کننگا و شرفدار آ مہمان نا پرنسپل اسٹاف آفیسرز آتون درستی راستی ءِ کرفنگا ۔ کمانڈر رائل بحرین نیول فورس پاک بحریہ نا سروک تون اوڑدہی کرے ۔ اوڑدہی ٹی تین پہ تینی است خواہی نا باندات بشمول ہڑتوم آ ملک آتا بحری فوج آتا نیام اٹ کمکاری ءِ پین مون آ دننگ آ گپ و تران کننگا ۔ سروک پاک بحریہ ڈیہہ ٹی سمندری سلامتی و امن ءِ المی کننگ و دہشت گردی نا برخلاف جنگ اٹی پاکستان نا کڑدءِ مون آ تخا ۔ اوکان پد شرفدار آ مہمان ءِ حوال تننگا و مقبوضہ کشمیر اٹی برجا بھارتی جارحیت آ پاکستانی موقف آن معلومدار کننگا ۔ شرفدار آمہمان ڈیہہ ٹی بحری سیکورٹی و سوگوی نا بابت پاک بحریہ نا کوشست آتا ستاءِ کرے ۔ کمانڈر رائل بحرین نیول فورس نا دورہ غان ہڑتوم آ ملک آک خاص کر بحری فوج آتا نیام اٹ ہڑتوم آ کنڈآتا کمکاری ءِ پین مون آ دننگک ۔
