وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا ٹویٹ

اسلام آباد ۔ 04 دسمبر (اے پی پی) وزیراعظم نا خصوصی کمکار حوالکاری وشین کاری ڈاکٹر فردوس عاشق اعوان پارینے کہ انفورسمنٹ آف ویمن پراپرٹی راءٹس آرڈیننس اٹی ترمیم نا کابینہ غان پک وزیراعظم عمران خان نا زالبول آتے واکدار و میراٹ اٹی حصہ دار کننگ نا عزم انا پوروی نا کنڈا اسہ عملی ءُ گام گیج اسے، زالبول آتے واکدار و راج اٹی اوفتا فعال کڑد ءِ المی کننگ پوسکن آ پاکستان نا مشن ءِ ۔ چارشنبے نادے آ اسہ ٹویٹ اسے ٹی خصوصی کمکار پارے کہ زالبول آتا حق انا رکھ و مون آ دننگ کن کانود سازی وزیراعظم عمران خان نا کماشی ٹی پوسکن آ پاکستان اٹی پوسکن آ دور انا بناءِ و دا زالبول آتے واکدار کننگ نا کنڈا اہم ءُ پیش رفت اسے ۔ اوپارے کہ وزیراعظم عمران خان لیٹر آف ایڈمنسٹریشن اینڈ سیکشن سرٹیفکیٹس آرڈیننس 2019ء نا 6دسمبر آ باقاعدہ نافذ کننگ والا ءِ ، دا کانود ملکی تاریخ اٹی حق میرات نا تعین اٹی مزل نا نشا ن ءِ ۔ ڈاکٹر فردوس عاشق اعوان پارے کہ داڑان سال آتیان پدسلوک مقدمہ غاک دے تیٹی چٹرہ و ملک و پیشن نا ملک آتے ٹی رہینگوک آ پاکستانیک فائدہ ہرفرہ ۔