جنسی بیدادی نا گواچی چناتا انٹرویو تے نشان تننگ کون آ پروگرام تا بابت تعلقدار کانود آ عملدرآمد ءِ المی کننگے، صدر مملکت ڈاکٹر عارف علوی نا ٹویٹ

اسلام آباد ۔ 04 دسمبر (اے پی پی) صدر مملکت ڈاکٹر عارف علوی پیمرا ءِ پارت کرینے کہ جنسی بیدادی نا گواچی چناتا انٹرویو تے نشان تننگ کون آ پروگرام تابابت تعلقدار کانود آ عملدرآمد ءِ المی کے ۔ چارشنبے نادے آ اسہ ٹویٹ اسے ٹی صدر مملکت پارے کہ اسہ ٹی وی چینل اسے نا اینکر خلقت نا مون آ جنسی بیدادی نا گواچی چناتا انٹرویو ءِ کرے و اوفتے ٹیلی کاسٹ کننگا و داگڑانا ہم خیال ءِ تخنگتو کہ اونا نفسیاتی و راجی اثرآک انت مریرہ و دا پھل کون آ چناتیا ملنڈ خلنگک ۔ صدر مملکت پارے کہ دا معاملہ غان او چیئرمین پیمرا ءِ ہم معلومدار کرے ولے اوکان پد ہم دا پروگرام دُوارہ ٹیلی کاسٹ مس ۔ صدر مملکت پارے کہ داوڑنا پروگرام تا بابت کانود مریک ولے اوفتیا عملدرآمد انت اکن کننگتو ۔ اوپارے کہ دنیا ٹی اسہ جاگہ اس ہم داوڑ مفک ، دا بے کچ است ہسونی اسے ۔