اسلام آباد ۔ 04دسمبر (اے پی پی) صدر مملکت ڈاکٹر عارف علوی پارینے کہ تعلیم تون اوار اوار آب آ چکار کننگ نا گرج ءِ، آب دوئی کننگ سرسہبی کن پدریسہ و جوزہ تون کاریم کروئی مریک، حکومت بیورو کریسی نا گچین آب انا جاچ اکن ڈاکٹر عشرت حسین نا کماشی ٹی کمیٹی اس جوڑ کرینے ۔ داخیال آتادرشانی ءِ او آب و پالیسی تا بابت ویل و چیلنج آتا بابت کانفرنس آن تران کرسا کرے ۔ صدر مملکت پارے کہ زند انا ہر بشخ اٹی آب انا کلیدی ءُ اہمیت اس مریک، یونیورسٹیک پٹ وپول کن ملکی مصنوعات آتیان بایدے کمک دوئی کیر ۔ یونیورسٹیک مارکیٹ آتا طلب نا رداٹ ورناتے تعلیم ایتر تانکہ او گچین وڑاٹ راج انا خذمت ءِ کننگ کیر ۔ اوپارے کہ تعلیم تون اوار اوار آب آہم چکار کننگ نا گرج ءِ ، گچین آب اکن لمہ و باوہ تیناچناتے بھلو فیس اس ترسا تعلیم ترفرہ ۔ صدر مملکت پارے کہ ننے خلقت آ پت کننگ ناگرج ءِ، ننے پدریسہ و عزم اٹ کاریم کروئی مریک ۔ اوپارے کہ حکومت نا پامداری اٹ پالیسی تا سوب ملکی زرگزران سوگو مسنے و معاشی ٹک آک سہی ءُ کنڈ اسے آ مون کرینو ۔ اوپارے کہ بروک آ دے تیٹی برطانوی شہزادہ و اونا اُرائی پاکستان نا دورہ ءِ کریر، شاہی جوڑہ نا دورہ غان پاکستان ءِ جہانی کہول آ است بڈی ملا و ملک انا گچین دروشم تالان مس ۔ اوپارے کہ حکومت ہر بشخ اٹی آب آتے گچین کننگ کن کوشست کننگ ءِ، بیوروکریسی ٹی گچین آب انا جاچ اکن ڈداکٹر عشرت حسین نا کماشی ٹی کمیٹی اس جوڑ کننگانے ۔
