اسلام آباد ۔ 04 دسمبر (اے پی پی) وزیراعظم عمران خان پارینے کہ سال آتیان کاریم اٹ اتنگ پروک آ ارب آ جائیداد آتے سہی وڑاٹ کاریم اٹ اتنگ و اوفتیان دوئی مروک آ کٹیا تے الس نا راجی آسراتی و اسکول، کالج ، ہسپتال کون آ بنداوی آسراتی تا گچینی کن کاریم اٹ اتنگ ساڑی حکومت نا پالیسی نا اہم ءُ جزو اسے ۔ اوپارے کہ ارب آ میرات آتیان پد ہم بنجائی حکومت نا چندی ادارہ غاک ارب آ روپئی نا سالانہ نسخان ہرفنگ ءُ ۔ اوپارے کہ مستین اٹی دابیش قیمت میرات آتے کاریم اٹ اتنگ پرسا مجرمانہ ڈیوالائی نا درشانی ءِ کننگا ۔ وزیراعظم داخیال آتا درشانی ءِ تینا کماشی ٹی چندی وزارت و بنجائی حکومت نا ادارہ غاتا کاریم اٹ اتنگ پروک آ ملکیت آتے کاریم اٹ اتنگ نا بابت دیوان نا کماشی ءِ کرسا کرے ۔ اوپارے کہ کاریم اٹ اتنگ پروک آملکیت آتا پیدواری ءِ کپروک آ یا اوفتے سہی وڑاٹ کاریم اٹ اتنگ اٹ اڑاند ودی کروک آ سرکاری آفیسر و زموار آتا برخلاف سخت کارروائی کننگک ۔ وزیراعظم ایسٹ مینجمنٹ کمیٹی، تعلقدار بنجائی وزارت و صوبائی حکومت آتے پارت کرے کہ پیدوارکروک آ ملکیت آتیان تعلقدار غٹ باندات آتے بروک آ اسہ ہفتہ ٹی ایسر کننگے تانکہ دا ملکیت آتے سہی وڑاٹ کاریم اٹ اتنگ نا فیصلہ غا عملدرآمد پورو کننگ مرے ۔ دیوان اٹی بنجائی وزیر بحری امور علی حیدر زیدی، بنجائی وزیر نجکاری میاں محمد سومرو ، وزیراعظم نا خصوصی کمکار اوورسیز پاکستانیز سید ذوالفقار عباس بخاری، وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان، ترجمان وزیراعظم ندیم افضل چن ، بنجائی سیکرٹری صاحب آک، سینئر بنجائی و صوبائی آفیسر آک ساڑی ئسر ۔ سیکرٹری نجکاری رضوان ملک چندی وزارت و بنجائی حکومت نا محکمہ غاتا ادارہ غاتا چندی ملکیت آتے سہی وڑاٹ کاریم اٹ اتنگ و اوفتا ممکنہ نجکاری نا بابت داوخت اسکان نا پیش رفت آن معلومدار کرے ۔ سیکرٹری نجکاری پارے کہ بنجائی کابینہ نا کنڈآن فروری و مارچ اٹی کروک آ فیصلہ غاتے مون آتخسا ہر وزارت ءِ کم از کم مسہ ماڑی تا پیدواری کننگ نا پارت کننگاسس ۔ اوپارے کہ اولیکو مرحلہ ٹی چندی وزارت آتا کنڈآن داوخت اسکان 32 ملکیت آتا پیدواری ءِ کننگانے ۔ اوپارے کہ پیدوارکروک آ ملکیت آ تا کساس ءِ خلنگ کن و اوفتا میرات آتا بابت آن آخبت نا لاءحہ عمل ءِ حتمی دروشم اس تننگ کن فنانشل ایڈوائزر نا خذمت آتے اکتوبر نا ایسر اٹ دوئی کننگا ۔ اوپارے کہ داملکیت آ تا مارکیٹ دبئی ایکسپو ٹی کننگک تانکہ پیشن نا ملک رہینگوک پاکستانی و زرکار آتا چکارءِ دا نہادی میرات آتا کنڈا مبذول کرفنگ مرے ۔
