لاہور ۔ 4 دسمبر(اے پی پی )تحریک انصاف ءِ سروک ءُُ پیسریگیں بنجاھی وزیر کانود ڈاکٹر بابر اعوان ءَ گوشت کہ آرمی چیف ءِ مزدگری ءِ وھد ءُُ پاس ءِ ھوالگ ءَ آئین ءَ ناں ایکٹ ءِ تہ ءَ مٹ ءُُ بدلی کنگ بیت ۔ اے گپ آئی ءَ چار شمبے ءَ لاہور ہائی کورٹ ءَ میڈیا ءَ گوں تران کنان ءَ کت ۔ آئی ءَ گوشت کہ آرمی چیف ءِ مزدگری ءِ وھد ءُُ پاس ءِ ھوالگ ءَ آئین ءِ تہ ءَ ناں بلکینگ ءَ ایکٹ ءِ تہ ءَ مٹی آرگ بیت ءُُ آرمی ایکٹ ءَ مٹ ءُُ بدلی ءَ چہ پد رولز جوڑ کنگ بیت کن اَنت ۔ آئی ءَ گوشت کہ توا میں آرمڈ فورسز بنجاھی حکومت ءِ چیر دستی ءَ کار کن اَنت ۔ ڈاکٹر بابر اعوان ءَ موڈیز ءِ رپورٹ ءِ ھوالگ ءَ گوشت کہ موڈیز ءَ وتی رپورٹ ءَ پاکستان ءَ را معاشی رد ءَ جوان نامینتگ، ملک ءِ آیوکیں باندات مھک میں پنجگ آنی تہ ءَ انت، اے موڈی بھارت ءِ مودی نہ انت ۔
