ایڈورٹائزنگ، مارکیٹنگ ءُُ میڈیا ءِ شوبگ ءَ یک ءِ دومیگ ءِ گوما المی انت، ایڈورٹائزنگ انڈسٹری جھل ءُُ برزی ءِ بھر آں چہ گوزگ ءَ چہ پد گہتری ءِ نیمگ ءَ رھادگ
امیت انت کہ اے انڈسٹری دووارگ وتی برزی آں سر بہ بیت، برانڈ ءَ را کامیات جوڑ کنگ ءِ واستہ ایڈورٹائزنگ ءِ شوبگ سک باز ارزشتی انت ءُُ ارزشتی ایں اشتہاراں آنی وسیلگ ءَ بازیں نہ بوتگیں بلا ءُُ آپت آں چہ بچگ بیت کنت، ایڈ ایشیا کانفرنس نا ایوک ءَ ملکی تک ءَ بلکینگ ءَ میاں اوستمانی پڑ ءَ ایڈورٹائزنگ ءَ را جوانیں رنگ ءَ کار کنگ ءَ کمکار سہرا بیت
پیسریگیں بنجاھی وزیر جاوید جبار ءُُ چیئرمین ایڈایشیا لاہور سرمد علی ءُُ ایندگر گشتانکار آنی 31سی ءُُ یکمی ایڈایشیا کانفرنس 2019ءِ بنگیج ءِ موہ ءَ گشتانک
لاہور ۔ 3 دسمبر(اے پی پی ) ایڈورٹائزنگ، مارکیٹنگ ءُُ میڈیا ءِ شوبگ ءَ گوں سیادی داروکیں کلانہ ایں ملکی ءُُ میاں اوستمانی بامرد نوکیں ایڈورٹائزنگ ءُُ میڈیا ءَ را یک ءِ دومیگ ءِ گوما المی نامینان ءَ گوشت کہ ایڈورٹائزنگ انڈسٹری جھل ءُُ برزی ءِ بھر آں چہ گوزگ ءَ چہ پد گہتری ءِ نیمگ ءَ رھادگ انت، امیت انت کہ اے انڈسٹری دووارگ وتی برزی آں سر بہ بیت، برانڈ ءَ را کامیات جوڑ کنگ ءِ واستہ ایڈورٹائزنگ ءِ شوبگ سک باز ارزشتی انت ءُُ ارزشتی ایں اشتہاراں آنی وسیلگ ءَ بازیں نہ بوتگیں بلا ءُُ آپت آں چہ بچگ بیت کنت، ایڈ ایشیا کانفرنس نا ایوک ءَ ملکی تک ءَ بلکینگ ءَ میاں اوستمانی پڑ ءَ ایڈورٹائزنگ ءَ را جوانیں رنگ ءَ کار کنگ ءَ کمکار سہرا بیت، اے ھیالانی درشانی سئے روچی ایشین ایڈورٹائزنگ ایڈایشیا کانفرنس 2019ءِ بنگیجی مراگش ءِ روچ ءَ جتا جتائیں سیشن آنی تہ ءَ گوشگ بوت ۔ ایڈایشیا کانفرنس ءِ بنگیج 30سال ءَ چہ پد لاہور ءَ کنگ بوت ، اے کانفرنس ءَ پاکستنا ءَ ھوار سرج میں دگنیا ءَ چہ یک ہزار ءَ چہ ایڈورٹائزنگ ایجنسیز ءِ کارندہ ءُُ پٹ ءُُ پولہ میڈیا سپیشلسٹ شریک اتنت ۔ ایشانی تہ ءَ سرمارٹن سورل ٗ رچرڈ کوئسٹ ٗ یاسوہارا ساساکی ٗ چیئرمین پاکستان ایڈورٹائزنگ ایسوسی ایشن وقار حیدر ی ، دادی چیئرمین جاوید جبار، چیئرمین ایڈایشیاء لاہور سرمد علی، چیئرمین پی پی اے وقار حیدری، چیئر مین فیڈریشن ایڈورٹائزنگ ایسوسی ایشن ریمنڈسوسمیت ایڈورٹائزنگ ءِ شوبگ ءَ گوں سیادی داروکیں کلانہ ایں مردم ھوار اتنت ۔ کانفرنس ءِ بندوبست ایشین فیڈریشن آف ایڈورٹائزنگ ایسوسی ایشن ءُُ پاکستان ایڈورٹائزنگ ایجنسی ءِ یکجائی کمک ءَ چہ کنگ بوت، ایڈایشیا لاہور کانفرنس ءَ اشتہار آنی شوبگ ءَ گوں سیادی داروکیں مردم آنی ازمت آناں ساڑات، کانفرنس ءَ گوں گشتانک دیان ءَ ایڈایشیا پاکستان ءِ دادی چیئرمین ءُُ پیسریگیں بنجاھی وزیر جاوید جبار ءَ گوشت کہ ایڈورٹائزنگ ءِ شوبگ ءَ معاشی گواچن ءِ آدینک انت، معیشت ءَ ابید اے شوبگ چاگردی ءُُ سیولائزیشن ءِ راستی آنی ھم آدینک ءَ پیش دار ایت، آئی ءَ گوشت کہ میاں استمانی مشہوریں ادارگ موڈیز ءَ پاکستان ءَ معاشی درجگ بندی ءِ رد ءَ جوان نامینتگ، آئی ءَ گوشت کہ ایڈورٹائزنگ میڈیا ءِ مواد آنی المی ایں بھر انت، لاہور ءِ چار ہزار سال کوھنیں راجدپتر ات، پاکستان ءِ جوڑیشت ءِ وھد ءَ ادا بے دروریں دو ءُُ ربیدگ گندگ بوتگ، پاکستان دود ءُُ ربیدگ ءِ ھوالگ ءَ سک باز ارزشت دار ایت، اے موہ ءِ سر ءَ چیئرمین ایڈ ایشیا لاہور سرمد علی ءَ گوشت کہ ایڈورٹائزنگ انڈسٹری گوستگیں وھد ءَ جھل ءُُ برزی ءِ آماچ بوتگ ءُُ جتا جتائیں بھر آنی تہ ءَ گوزان ءَ گہتری ءَ نیمگ ءَ رھادگ بوتگ، آئی ءَ امیت سہرا کت کہ اے انڈسٹری دووارگ وتی کوھنڈگ آں ی سر ءَ روت، کانفرنس ءِ بنگیج ایوک ءَ ملکی تک ءَ ناں بلکینگ ءَ میاں اوستمانی تک ءَ ایڈورٹائزنگ ءِ پڑ ءَ جوانیں رنگ ءَ کار کنگ ءِ واستہ کمکار سہرا بیت ۔ کانفرنس ءَ ای این این ءِ اینکر رچرڈ کوئسٹ ءُُ سرمارٹن سورل ءَ گوشت کہ ڈیجیٹل مارکیٹنگ ءِ شوبگ ایڈورٹائزنگ ءِ شوبگ ءِ آیوکیں باندات انت، ڈیجیٹل مارکینگ ءَ ڈیٹا ءِ رکھینگ ءِ ھوالگ ءَ سرج میں گپ ءُُ تران کنگ بوت ءُُ آئی ءَ کانفرنس ءَ شریکیں گشتانکار آنی جست آنی پسو ھم دات، اے موہ ءِ سر ءَ ایڈورٹائزنگ ءِ شوبگ ءَ بندوک کری ایٹوڈائریکٹر علی ریز ءَ ’’ ایڈورٹائزنگ ءِ وسیلگ ءَ چاگرد ءَ چتور مٹ ءُُ بدلی آرگ بیت کنت ۔ اے بن گپ ءِ سر ءَ سرج میں ڈاکومنٹری بریفنگ دات ۔ یات دارگ بہ بیت کہ ایشی ءَ چہ پیسر 30ایڈ ایشیا ایڈیشن انٹرنیشنل ایڈورٹائزنگ سیریز 2017 ءِ تہ ءَ بالی ءَ برجم دارگ بوت وھدیکہ 16شانزدھمی ایشین ایڈورٹائزنگ کانفرنس 1989ءَ 30سال ءَ چہ پیسر لاہور ءَ برجم دارگ بوتگ ات ۔ آئی ءِ تہ ءَ پاکستان ءَ ھوار سرج میں دگنیا ءَ 800ءَ چہ گیش نامداریں ایڈورٹائزنگ ایجینسیز، میڈیا سپیشلسٹ ءُُ ایندگر گشتانکار آں بھر زوری کتگ ات ۔
