اسلام آباد ۔ 3 دسمبر (اے پی پی) مزن وزیر ءِ مشیر برائے ھزانگ ڈاکٹر عبدالحفیظ شیخ ءَ گوشت کہ میاں اوستمانی ادارگ معیشت ءِ برجائی ءِ واستہ حکومتی گامگی ءُُ پالیشی آنی توسیپ ءَ کنگ ءَ انت، گوستگیں وڑ ءَ دووارگ آئی ایم ایف ءِ نیمگ ءَ نرواں ، حکومت ءَ میرٹ ءِ بنیات ءَ پیسلہ ءُُ گامگیج کتگ انت، ادارگ آناں مھکم کنگ بوھگ ءَ انت، سٹیٹ بینک آف پاکستان ءَ را وت مستری دیگ بوتگ، گوستگیں ماھ ءَ اقتصادی پڑ ءَ جوانیں کامیاتی رستگ، گوزوکیں ماہ ءَ ڈن ءَ روان دیگ ءِ پڑ ءَ 10 درسد گیشی بوتگ، ھساب ءُُ کتا ب آنی تہ ءَ وام 35درسد کم بوتگ انت، مالی کمیگ آناں گر ءُُ دار کنگ بوتگ، مالی کمیگ آناں ناں ایوک ءَ گر ءُُ دار کنگ بوتگ بلکینگ ءَ انٹر سٹ پیمنٹ ءَ را ڈن ءَ بے کش اِت گڈا ایش سر پلس ءِ تہ ءَ کاینت ۔ آئی ءَ گوشت کہ ڈیوٹی ڈرابیکس ءُُ ریبٹس ءِ ھوالگ ءَ جیڈھ آنی سر ءَ مرچیگ ھم یک میٹنگ ءِ برجم دارگ بوت، مھتلیں توا میں جیڈھ آنی گیواری کنگ بیت، ایف بی آر ءَ ٹرانسفر ءِ واستہ ساپ ءُُ سلہ ءُُ جوانیں پالیشی سہرا کنگ بوھگ ءَ انت ۔
