اسلام آباد ۔ 3 دسمبر (اے پی پی) صدر مملکت ڈاکٹر عارف ءَ گوشت کہ ابنارملیں مردم آناں زندمان ءِ ھمک شوبگ ءَ ھمکچیں موہ پجارینگ لوٹ انت ۔ سئے شمبے ءَ ابنارملیں مردم آنی روچ ءِ درگت ءَ وتی کلوہ ءِ تہ ءَ صدر ءِ مملکت ءَ گوشت کہ اے روچ ءِ مول ءُُ مراد ابنارملیں مردم آنی ھک ءِ رد ءَ سرپدی پیداک کنگی انت، مارا اے مردم آناں زندمان ءِ ھمک شوبگ ءَ ھمکچیں موہ پجارینگی انت، اے ھک آنی پجاری ءَ چہ چاگرد ءِ تہ ءَ بروبری ءُُ انصاف ءِ برجائی ءِ واستہ المیگ انت ۔ صدر ءِ مملکت ءَ گوشت کہ اے رد ءَ اسیسٹیو ٹیکنالوجی ءِ دیمروئی سک باز المی انت، اسیسٹیو ٹیکنالوجی ءِ کارمردی اے مردم آنی زندمان ءَ آسانی پیداک کنت انت، پاکستان ءَ میاں استمانی پڑ ءَ اسیسٹیو ٹیکنالوجی ءِ دیمروئی ءِ واستہ ارزشتیں ایں کرد پیلو کتگ ۔ آئی ءَ گوشت کہ احساس پروگرام ءِ چیر دستی ءَ ابنارملیں مردم آناں مپت ءَ علاج ءِ آسراتی پجارینگ بوھگ ءَ انت ۔
