اسلام آباد ۔ 3دسمبر(اے پی پی) سینیٹءِ چیئرمین محمد صادق سنجرانی ءِ جاپان ءِ پیسرگیں مزن وزیر ناکاسونے یسو ہیرو ءِ بیرانیءِ سرءَ دلپدردیءِ درشانی کتگ ۔ وتی اپسوزی بیانءَ سینیٹءِ چیئرمین ءَ گشتگ کہ مرچی پاکستانءِ مزن گس، حکومت ء ُ اُلس وتی جاپانی براتانی گم ءَ ہوار اَنت ۔ سینیٹءِ چیئرمین ءَ گشتگ کہ ناکاسونے پاکستانءِ حاسیں دوستے بوتگء ُ آئیءَ دوئیں ملک آنی نیامءَ دوستی ءَ را گیش مھکم کنگءَ بازیں ازمت داتگ ، آئیءِ ازمت دائمءَ یات کنگ بنت ۔ پاکستان جاپان سیادی ءِ ذکر کتگء ُ سینیٹ چیئرمین ءَ گشتگ کہ دوئیں ملک آں گرانیں وہداں یکے دومی ءَ گوں ہمراہ داری کتگ ۔ اے گرانیں ساہتءَ پاکستانی اُلس وتی جاپانی براتانی گم ءَ ہوار اَنت ۔
