چیئرمین فیڈرل بورڈ آف ریونیو سید شبر زیدی نا ایف بی آر نا غٹ فارمیشن آتے بجلی و گیس انا بشخوک آ کمپنی تا صنعتی و واپاری صارف آتا رجسٹریشن و اوفتا انکم خراج ریٹرن جمع کرفنگ ءِ پک کننگ نا پارت

اسلام آباد ۔ 03دسمبر (اے پی پی) چیئرمین فیڈرل بورڈ آف ریونیو (ایف بی آر) سید شبر زیدی پارینے کہ ایف بی آر نا غٹ فارمیشن آتے بجلی و گیس انا بشخوک کمپنی تا صنعتی و اپاری صارف آتا رجسٹریشن و اوفتا انکم خراج ریٹرن جمع کرفنگ ءِ پک کننگ نا پارت کننگانے ۔ داہیت ءِ او راجی رابطہ غاتا ویب ساءٹ ٹوءٹر آ جاری مروک آ اسہ کلہو اسے ٹی پارینے ۔ اوپارے کہ ہمو صارف آک ہرا داوخت اسکان ریٹرن جمع کرفتنو اوفک ریٹرن دائر کننگ نا مد اٹ ودکی آن بایدے فائدہ ہرفر ۔ اوپارے کہ 1000 سی سی آن زیات کار یا 500 مربع گزمکان نا مالک آتے کن ہم انکم ریٹرن جمع کرفنگ ضروری ءِ چائے اوفتا سال اٹی قابل خراج کٹیا مرے یا مف ۔ خراج ریٹرن جمع کرفپروک آتا برخلاف کارروائی مریک ۔ اوپارے کہ انکم خراج ریٹرن جمع کرفنگ نا تاریخ اٹی ودکی آن غٹ بایدے فائدہ ہرفر ۔