اسلام آباد ۔ 03دسمبر (اے پی پی) ہائیر ایجوکیشن کمیشن (ایچ ای سی ) و یونائیٹڈ اسٹیٹس ایجوکیشنل فاءونڈیشن ان پاکستان (یو ایس ای ایف پی ) نا شریداری اٹ ’’کوالٹی ایشورنس سسٹم، آب و پالیسی سازی ، ویل و چیلنجز ‘‘ نا سرحال آن اِرادے ئی کانفرنس (اینو) چارشنبے آن اسلام آبا دا ٹی بناکیک ہرا 5 دسمبر اسکان برجاسلک ۔ کانفرنس نا مسخت بڑزکو تعلیم نا کوالٹی ٹی گچینی اتنگ و کونسل فار ہائیر ایجوکیشن اینڈ ایکریڈی ٹیشن (سی ایچ ای اے) امریکہ نا گچین مروک باسک آتے یکجا کننگ و جہانی کوالٹی ایشورنس آب آتا بابت تین پہ تینی افہام و تفہیم کننگ ناءِ ۔ کانفرنس آن پاکستانی جامعہ غاتا سروک آتے دا موقع دوبریک کہ او ایلو ملک آتا جامعہ غاتا آزموندہ غاتیان آگاہی دوئی کیر و خاص کر دا درملکی جامعہ غاتا سروک آتے تینا آزموندہ غاتا بارواٹی معلومداری فراوان کیر ، ہرا تینا بڑزکو تعلیمی سسٹم نا داغ بیل شاغنگ اٹ اختہ ءُ، کانفرنس نا کمک اٹ کوالٹی کلچرءِ سوگو ی ملک، و جہانی کہول آ مون تروک چیلنج آتون مون تننگ و اسہ ایلو نا کمکاری ءِ کننگ کن اسیجا پڑ انا فراوانی مریک ۔ کانفرنس نا کمک اٹ وسیلہ غاتے متحرک و آب ءِ گچین کننگک و اسیجا وڑاٹ ہیل کننگ نا عمل بناکیک ۔ داکانفرنس نا سوب گچین کوالٹی سسٹم بشمول استاد آتا گچین کاریم نا کچ و پروگرام تا کوالٹی ءِ گچین کننگ اٹ کمک رسینگک و ہندن ءُ میکانزم اس تیار کننگ اٹ آسانی مریک کہ ہرانا رداٹ پرفارمنس ءِ برقرار تخنگ و ودفنگ اٹ کمک رسینگک ۔ داکانفرنس خصوصی وڑاٹ ایلو ملک آتا آزموندہ غاتا اسباق ، اسیجا ایجنڈا نا پوروی کن جہانی شریداری، پاکستان اٹی بڑزکو تعلیم نا کوالٹی ایشورنس نا علاقائی و قومی کہول آ شونداری، ٹیچنگ ءِ پین فعال کننگ، ٹیچنگ ایکسی لینس فریم ورک انا تیاری و قومی و جہانی بڑزکو تعلیمی ادارہ غاتا نیام اٹ نیٹ ورکنگ ءِ مون آ دننگ کون آ سوب آتے مون آ دیک ۔ کانفرنس نا کمک اٹ ہائیر ایجوکیشن کمیشن نا کوالٹی ایشورنس ایجنسی، جہانی کوالٹی ایشورنس ایجنسی، بڑزکو تعلیمی وزارت و ادارہ غاتون تینا رابطہ غاتے استوار کیک و پاکستان اٹی ٹیچنگ ایکسی لینس و ریسرچ ایکسی لینس کن فرم ورک انا تیاری ٹی ماہرانہ سلاہ ہلیک ۔ داکان بیدس کانفرنس اٹی نیشنل اکیڈمی آف ہائیر ایجوکیشن(این اے ایچ ای) ءِ اسہ جوان ءُ لیڈر شپ اکیڈمی اس جوڑ کننگ، بڑزکو تعلیمی ادارہ غاتے ٹی ٹیچنگ، لرننگ، ریسرچ، و کمیونٹی سروسز اٹی گچینی و جامعہ و انڈسٹری نا نیام اٹ تعلقداری تیٹی سوگوی نا بارواٹی ہم سلاہ ہم ہلنگک ۔ کانفرنس اٹی جامعہ غاتا ایڈمنسٹریٹرز، ایکریڈی ٹیشن کونسل آتا سروک و سیاسی سرکڑدہ غاک ہم شریک مریرہ ۔ ہائیر ایجوکیشن کمیشن بڑزکو تعلیم نا کوالٹی ءِ پین گچین کننگ و المی کننگ کن سال 2005 ٹی کوالٹی انشورنس ایجنسی اس جوڑ کریسس وخت اس کہ مچ آ ملک انا 180 جامعہ غاتے ٹی کوالٹی ایشورنس سیلز اس جوڑ کننگانے و پاکستان کوالٹی تون تعلقدار علاقائی وجہانی ادارہ غاتا باسک ءِ ۔
