اسلام آباد ۔ 03 دسمبر (اے پی پی) بنجائی وزیر ڈٹ بندی ، شونداری و اصلاحات و خصوصی گام گیج اسد عمر پارینے کہ ڈیجیٹل اکانومی پاکستان کن بے کچ ضروری ءِ، دادے نئے بیرہ ایلیٹ کلاس بلکن شیفکو تپہ اسکان ہم رسینگ نا قابل کننگے، پوسکن آ ٹیکنالوجی نا دورءِ ننے غٹ ءِ معلومداری مریک کہ حکومت انت کننگ ءِ ، ہچ کس بے خبر اف، ننے وزارت انفارمیشن ٹیکنالوجی ءِ پین وتواجہ کروئی ءِ ۔ داخیال آتا درشانی ءِ او سے شنبے نادے آ ایس ڈی پی آئی ڈیجیٹل کانفرنس آن تران کرسا کرے ۔ اسد عمر پارے کہ سوشل سیکٹر ریسرچ اٹی ایس ڈی پی آئی نا بھلو اہم ءُ کڑد اسے ننے انٹر پرینیور شپ ءِ مون آ دروئی ءِ و ضروری اف کہ بھلو کچ اسے آ بلکن چنکو کچ اسے آہم زرکاری کرسا نن ملکی شونداری ٹی دوءِ سبک کننگ کینہ ۔ اوپارے کہ ہراتم نن گورننس نا اکاءونٹ ایبلٹی نا ہیت ءِ کینہ تو اونا تہہ ٹی ڈیجیٹل ٹیکنالوجی نا بھاز اہم ءُ کڑد اس مننگ کیک، اینو نا دوراٹی معلومداری اسکان ہر اسٹ ءِ رسینگ دوئی ءِ ، ہر اسٹ ءِ معلوم مریک کہ حکومت انت کننگ ءِ ، ہچ کس بے خبر اف ۔ اوپارے کہ ننے وزارت انفارمیشن ٹیکنالوجی ءِ پین وتواجہ جوڑ کروئی ءِ ۔ اوپارے کہ ڈیجیٹل اکانومی ملک اکن بے کچ اہم ءِ ، دادے نئے بیرہ ہمو خلقت اسکان سرکننگے ہرافتا تعلق ایلیٹ کلاس آن مرے بلکن دادے شیفکو تپہ اسکان ہم رسینگ تننگے ۔ اوپارے کہ حکومت ءِ تعلیمی ادارہ و نجی زرکار آتے اوار ہلسا ہنوئی ءِ تانکہ نن پوسکن آ ٹیکنالوجی آن ہمکنار مننگ کین ۔ اوپارے کہ ننے وزارت انفارمیشن ٹیکنالوجی ءِ پین وتواجہ جوڑ کروئی ءِ ۔ اوپارے کہ ڈیجیٹلائزیشن نا کمک اٹ معاشی سرجزآتے مانیٹر کننگ مریک ۔
