اسلام آباد ۔ 03 دسمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ کانود سازی پارلیمان نا بنداوی زمواری ءِ، دادے سیاسی ایجنڈاتون مشروط کننگ غیر پارلیمانی ، غیر آئینی و غیر جمہوری ءِ ۔ سے شنبے نادے آ ٹویٹر آ تینا کلہو اٹی پاکستان پیپلزپارٹی نا چیئرمین بلاول بھٹو زرداری نا بیان آ ردعمل نا درشانی ءِ کرسا پارے کہ وزیراعظم عمران خان اپوزیشن نا خن تے ٹی داخاطران سُرک کہ او تینا جند اکن آخا پاکستان نا کاز اکن جنگ تننگ ءِ ۔ اوپارے کہ کانودسازی پارلیمان نا بنداوی زمواری و فرض ءِ ، بلاول نا اودے تینا سیاسی ایجنڈا تون مشروط کننگ غیر پارلیمانی ، غیر آئینی و غیر جمہوری سوچ ءِ ۔ اوپارے کہ بلاول بھٹو معاملہ سے ٹی تو سیاسی بلیک میلنگ آن پیش تمسا سجفے، پارلیمان ءِ سیاسی بلیک ملینگ کن کاریم اٹ اتنگ نا سوچ بے کچ منفی و پی پی پی نا تینا دعویٰ تا نفی ءِ ۔ ڈاکٹر فردوس عاشق اعوان پارے کہ پاکستان نا فائدہ ٹی مروک آ کانود سازی نا کسر اٹی اڑاند شاغوک آک مفاد پرست پاننگرہ ۔
