اسلام آباد ۔ 3دسمبر(اے پی پی) پاک بحریہ ءِ دو آپی گراب پی این ایس اصلت ء ُ معاون ءَ افریقہ ءَ گھانا ءِ تیاب تاکورادی ءِ ترء ُتا ب کتگ، پاکستانی مشن کمانڈرءَ مہمان جہل بحریہ ء ُ سول حکام ءَ گوں حاسیں گندء ُ ننداں دونیمگی ھدوکی ء ُ دونیمگی بحری کمک ءِ سرءَ ھیالء ُلیکہءِ درشانی کتگ ۔ سے شمبے ءِ روچءَ پاک بحریہ ءَ چہ جاری بیانءِ ردءَ مشن کمانڈر ءَ مقبوضہ کشمیر ءِ سرءَ پاکستانی لیکہءَ را پدّر کنگ بوتگ ۔ مشن کمانڈر ءَ بھارتی فوج ءِ نیمگءَ چہ مقبوضہ کشمیرءَ کتگیں زُلمء ُ ناحقیءَ چہ سرپد کتگ ۔ تیاب ءَ جہلگءِ وہدءَ پاک بحریہ ءَ پہ وشء ُ حیری جوشء ُ جزبگ ءَ میڈیکل کیمپ جتگء ُ میڈیکل کیمپ ءَ 2600ءَ چہ گیش مردماناں علاج ، آپریشنز ء ُ دواء ُ درمان دیءگ بوتگ ۔ گھانا ءِ اُلس ءَ پاک بحریہ ءِ میڈیکل کیمپ جوڑ کنگءِ سرءَ پاکستانءَ راساڑاتگء ُ دادء ُ سلام پیش کتگ ۔ ترء ُتابءِ مولء ُ مراد پاکستانءِ جوانیں پجّارءَ دیما آ رگ، دونیمگی بحری کمک ءَ را گیش مھکم ء ُ انسانی ہمدردیءِ جوشء ُ جزبگءَ را گیش کنگ اِنت ۔
