مزن وزیر عمران خان ءِ سروکی ءَ حکومت ءِ معاشی ٹیمب ءِ دیوان

اسلام آباد ۔ 2 دسمبر (اے پی پی) مزن وزیر عمران خان ءِ سروکی ءَ حکومت ءِ معاشی ٹیمب ءِ دیوان دو شمبے ءَ ادا برجم دارگ بوت ۔ دیوان ءَ ملکی معاشی جاور ھال، ٹوھیں آمید گس ایف بی ا ار ءَ چہ سیادی داروکیں مھتلیں کیسز آنی ھوالگ ءَ دیمروئی ، ٹیکس ریفنڈ ءِ دیگ، ترکمانستان اوگانستان پاکستان ایڈیا (تاپی) گیس پاءپ لائن منصوبگ آنی دیمروئی کار، نان ٹیکس ریونیو ءَ را گیش ودینگ ءِ رد ءَ گامگیج ءُُ دیمروئی منصوبگ آنی دیمروئی ءِ کار آنی سر ءَ چار ءُُ بچار گرگ ءِ گامگیج آنی سر ءَ بریفنگ دیگ بوت ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دیوان ءَ را گوشگ بوت کہ جولائی ءَ چہ نومبر ءِ ماھ ءِ واستہ دیم ءَ آیوکیں ھساب ءُُ کتاب آنی رد ءَ ڈن ءَ چہ آرگ ءِ کساس ءُُ ڈالر ءِ رد ءَ آمدن ءِ تہ ءَ گیشی گندگ ءَ اتکگ ۔ اٹارنی جنرل ءَ دیوان ءَ را سپریم کورٹ ، اسلام آباد ہائی کورٹ، لاہور ہائی کورٹ، سندھ ہائی کورٹ ءُُ پشاور ہائی کورٹ ءَ ایف بی آر ءَ گوں سیادی داروکیں مھتلیں کیسز آنی سر ءَ سرج میں بریفنگ دات ۔ اٹارنی جنرل ءَ گوشت کہ مزن آمید گس ءَ ایف بی آر ءَ گوں سیادی داروکیں 1089کیسز آنی تہ ءَ 551ءِ پیسلہ بوتگ وھدیکہ 285کیسز مھتل اَنت ، ایندگر لستیں آنی پیسلہ محفوظ انت یا گوشداری ءِ تہ ءَ انت ۔ مزن وزیر ءَ اٹارنی جنرل ءَ را پنت ءُُ شون دات کہ مھتلیں کیسز آناں زوت گیوار کنگ ءِ واستہ کوشست ترند کنگ بہ بنت ۔ آٗی ءَ گوشت کہ ایف بی آر ءَ گوں سیادی داروکیں استیں کیسز آنی بن گپ جوانیں رنگ ءَ آمید گس ءِ دیم ءَ ایر کنگ ءِ واستہ اٹارنی جنرل کارگس ءِ لوٹ بوتگیں توا میں آسراتی پجاری کنگ بنت ۔