کولمبو ۔ 2 دسمبر (اے پی پی) وزیر ءِ درئی کار مخدوم شاہ محمود قریشی ءَ سری لنکا ءَ ڈل ءِ ھمبراھی ءَ مزن وزیر سیکرٹریٹ ءَ مزن وزیر مہمنداراجاپا کسے ءَ گوں گند ءُُ نند کت ۔ گند ءُُ نند ءِ ساھت ءَ دو نیمگی یکوئی، اقتصادی دیمروئی، پڑ ے ھواریں جاور ھال آں ھوار دو نیمگی واھگی کار آنی ھوالگ ءَ ھیال ریچی کنگ بوت ۔ پاکستانی ڈل …
وزیر ءِ درئی کار مخدوم شاہ محمود قریشی ءِ ھمبراھی ءَ ڈل سری لنکن مزن وزیر مہنداراجا پاکسے ءِ گند ءُُ نند
گیشتریں ھال
کولمبو ۔ 2 دسمبر (اے پی پی) وزیر ءِ درئی کار مخدوم شاہ محمود قریشی ءَ سری لنکا ءَ ڈل ءِ ھمبراھی ءَ مزن وزیر سیکرٹریٹ ءَ مزن وزیر مہمنداراجاپا کسے ءَ گوں گند ءُُ نند کت ۔ گند ءُُ نند ءِ ساھت ءَ دو نیمگی یکوئی، اقتصادی دیمروئی، پڑ ے ھواریں جاور ھال آں ھوار دو نیمگی واھگی کار آنی ھوالگ ءَ ھیال ریچی کنگ بوت ۔ پاکستانی ڈل ءِ تہ ءَ ڈی جی زرّباری ایشیا ءُُ وزارت ءِ درئی کار ءِ جار چین ڈکٹر فیصل ، سری لنکا ءَ استیں ادارُکی پاکستانی ہائی کمشنر ، پاکستانی سفارتخانہ ءِ ٹوھیں کارندہ ھوار اتنت ۔ وزیر ءِ درئی کار شاہ محمود قریشی ءَ سری لنکن مزن وزیر مہمنداراجاپا کسے ءَ را آئی ءَ را مزن وزیر ءِ سیٹ ءِ گرگ ءِ پد ءَ مزن وزیر عمران خان ءُُ پاکستانی اُلس ءِ نیمگ ءَ دلی مبارک بات پیش کت ۔ وزیر ءِ درئی کاری ءَ سری لنکن مزن وزیر مہندا راجا پاکسے ءِ ازمت آنی تہ ءَ مزن وزیر عمران خان ءِ ھاسیں نمدی دات ۔ اے نمدی ءِ تہ ءَ مزن وزیر عمران خان ء ۔ وتی سری لنکن ھمکار ءَ را پاکستان ءِ آیگ ءِ دعوت داتگ ۔ وزیر ءِ درئی کار شاہ محمود قریشی ءَ گوشت کہ پاکستان ءُُ سری لنکا ءِ نیام ءَ دو نیمگی یکوئی بازیں وھد ءُُ کرن آنی انت ۔ آئی ءَ گوشت کہ ستمبر 2019ءَ سری لنکن کرکٹ ٹیمب ءِ پاکستان ءَ آیگ ءَ چہ پاکستان ءَ میاں اوستمانی کرکٹ ٹیمب ءِ دووارگ برجائی بوتگ، آئی ءَ گوشت کہ ما آیوکیں ٹیسٹ سیریز ءَ بھر زوری ءِ وساتہ سری لنکن کرکٹ ٹیمب ءِ پاکستان ءَ آیگ ءِ وداریگ آں ۔ سری لنکن مزن وزیر مہمنداراجاپاکسے ءَ پاکستان ءِ آیگ ءِ دعوت ءِ پد ءَ مزن وزیر عمران خان ءُُ پاکستان ءِ حکومت ءِ شگر ءُُ منت گپت ۔
