مزن وزیر عمران خان ءِ بنجاھی سیکرٹریز آں گوں گپ ءُُ تران

اسلام آباد ۔ 2 دسمبر (اے پی پی) مزن وزیر عمران خان ءِ بنجاھی سیکرٹریز آناں پنت ءُُ شون داتگ کہ گہتریں رنگ ءَ حکومت (گڈ گورننس) ملک ءُُ راج ءِ ازمت ءُُ گہبود ءِ واستہ وتی ھاٹیگ ءُُ تجروبت آناں کارمرد بکن اَنت، سیاسی سروکی ءُُ بیوروکریسی ءَ چہ ملک ءِ آیوکیں باندات ءِ ھد ءُُ ابیل جنگ بوت کنت اَنت ایشی ءِ واستہ نوکیں سسا ءُُ گہتریں حکومت (گڈ گورننس ) ءِ ضلورت انت ۔ مزن وزیر کارگس ءَ چہ جاڑی بوتگیں بیان ءِ رد ءَ مزن وزیر عمران خان ءَ زوتیں پروموشن بوتگیں بنجاھی سیکرٹریز آں گوں گند ءُُ نند کت ۔ مزن وزیر عمران خان ءَ دیمروئی کنوکیں اپسرگ آناں مبارک بات دات ءُُ گوشت کہ ایشانی پروموشن ایشانی کار کرد ءُُ ھاسیں رنگ ءَ میرٹ ءِ رد ءَ کنگ بوتگ ۔ آئی ءَ امیت سہرا کت کہ دیمروئی کنوکیں اپسرگ وتی نوکیں زمہ واری آں جوانیں رنگ ءَ پرز شناسی ءُُ ملک ءُُ راج ءِ ازمت کنگ ءِ چیر دستی ءَ پیلو کن آں ۔ اپسرگ آں گوں تران کنان ءَ مزن وزیر ءَ گوشت کہ پاکستان راجدپتر ءِ ارزشتی ایں جاھ ءَ اوشتاتگ ۔ آئی ءَ گوشت کہ ملک ءِ دیمروئی ءُُ جوڑیشت ءِ واستہ ھمودا سیاسی لیڈر شپ ءِ وژن دیگی انت ھمودا بیوروکریسی ءَ اے وژن ءَ را پکوئیں رنگ دیگ بوھگ ءَ انت ۔ مزن وزیر ءَ گوشت کہ 60ءِ زمانگ ءَ گورننس ءِ رد ءَ دروری پھمگ انت ءُُ مئے ملک ءُُ راج پڑ ے دومی ملک آنی گوما کمو پشت ءَ پشت کپتگ ۔ ایشانی بازیں سبب انت ۔ مزن وزیر ءَ پروموشن بوتگیں اپسرگ آناں دلگوش کت ءُ گوشت کہ آ وتی زمہ واری آں جہاد ءُُ راجی پرز پھمان ءَ پیلو بکن اَنت ۔ سیکرٹریز آں مزن وزیر ءِ شگر ءُُ منت گپت ءُُ ملک ءِ جوڑیشت ءُُ دیمروئی ءِ واستہ وتی جوانیں کرد ءَ پیلو کنگ ءِ دل یکیمی دات ۔