مزن وزیر عمران خان ءَ گوں اسلامک ریلیف ورلڈ وائڈ ءِ چیف ایگزیکٹو آفیسر ناصر حامد ءِ گند ءُُ نند

اسلام آباد۔ 2 دسمبر (اے پی پی) مزن وزیر عمران خان ءَ گوں بنی آدمی دیمروئی ءِ ھوالگ ءَ کار کنوکیں میاں اوستمانی گیر سرکاری ڈل اسلامک ریلیف ورلڈ وائڈ (آئی آر ڈبلیو) ءِ چیف ایگزیکٹو آفیسر ناصر حامد ءَ دوشمبے ءَ ادا گند ءُُ نند کت۔ مزن وزیر میڈیا کارگس ءَ چہ جاڑی بوتگیں بیان ءِ رد ءَ مزن وزیر عمران خان ءَ پاکستان ءِ چاگردی ءُُ اقتصادی دیمروئی ھاسیں رنگ ءَ جان سلامتی، توپان ءِ ترس ءُُ بیم ءِ کمی، آپءِ پجاری، وانگ ءُُ زانگ ءُُ موسمی شوبگ آنی پڑ ءَ کمک ءِ وستہ آئی آر ڈبلیو ءِ کرد ءِ توسیپ کت۔ آئی ءَ چاگرد ءِ توامیں تبک ءِ دیمروئی ءُُ ھواری یے وژن ءَ را ساڑات ءُُ دل یکیمی کت کہ حکومتی ترجی داتگیں کار آنی رد ءَ حکومت ءِ گوما شور ءُُ سلاھ ءِ وسیلگ ءَ منصوبگ آنی بنگیج ءُُ تیاری ءِ وسیلگ پاکستان ءِ الس آنی گہتری ءِ واستہ آئی آر ڈبلیو وتی کرد ءَ را پیلو کنت انت۔ آئی آر ڈبلیو اسلامی دگنیا ءِ درستاں چہ مستریں میاں اوستمانی این جی او انت ایش سرجمیں دگنیا ءِ 47ملک آنی تہ ءَ کار کنگ ءَ انت ءُُ پاکستان ءَ 1992ءَ چہ اے ازمت آناں پیلو کنگ ءَ انت ءُُ ایشی ءِ بنجاھی کارگس برطانیہ ءَ انت۔