سی 30سال ءَ چہ پد لاہور یک رنگ ءِ پد ءَ ایڈ ایشیا کانفرنس ءِ میزبانی ءِ کنگ ءِ واستہ تیار، سئے روچی 31سئی ءُُ یکمی ایڈ یشیا کانفرنس ءِ بنگیجی مراگش مرچی الحمرا ءَ بیت

سی 30سال ءَ چہ پد لاہور یک رنگ ءِ پد ءَ ایڈ ایشیا کانفرنس ءِ میزبانی ءِ کنگ ءِ واستہ تیار، سئے روچی 31سئی ءُُ یکمی ایڈ یشیا کانفرنس ءِ بنگیجی مراگش مرچی الحمرا ءَ بیت، سرج میں دگنیا ءَ چہ یک ہزار ءَ چہ گیش ایڈورٹائزنگ ءُُ مارکیٹنگ ایجنسیز ءِ کارندہ ءُُ سساساچی میڈیا ءِ کلانہ بھر زوری کن اَنت، بنگیجی سیشن ءَ چیئرمین ایڈایشیا سرمد علی ءُُ جاوید جبار گشتانک کن اَنت، میاں اوستمانی کانفرنس ءِ میزبان شہر ءَ را ھاسیں رنگ ءَ ساڑھگ ءِ واستہ ’’لاہور لاہور اِنت‘‘ ءِ توسپ، راجی زبان اُردو ءَ کانفرنس ءِ ’’لوگو‘‘ ءِ دیمدائی

لاہور ۔ 2 دسمبر (اے پی پی) پاکستان ءَ جوانیں کاروبارئی موہ، جوانیں دود ءُُ ربیدگ، کوھنیں سیولائزیشن ءُُ بے درور ءُُ پُرمڈاھیں سرڈگار ءَ را سہرا کنان ءَ 31سی ءُُ یکمی ایشین ایڈورٹائزنگ ایڈ ایشیا کانفرنس 2019مرچی سئے شمبے ءِ روچ ءَ الحمر ہال ءَ بندات بیت ۔ پاکستان ءَ ھوار سرج میں دگنیا ءَ چہ یک ہزار ءَ چہ گیش ایڈورٹائزنگ ءُُ مارکیٹنگ ایجنسیز آنی کارندہ ءُُ سسا ساچی میڈیا بلدکار بھر زوری کن اَنت ۔ سئے روچی کانفرنس ءَ 20ءَ چہ گیش بُن گپ آنی سر ءَ ملکی ءُُ در ملکی کلانہ وتی وتی تجروبت آں بیان کن اَنت ۔ کانفرنس ءَ سرمایہ کاری، سوشل میڈیا، چاگردی دیمروئی اشتہار آنی وسیلگ ءَ ، چاگرد ءِ مٹ ءُُ بدلی، کاروبار کنگ ءِ واھشت، کاروبار ءُُ روزگار ءِ موہ آں ھوار ایندگر بن گپ آنی سر ءَ سیشن بیت ۔ بنگیجی سیشن ءَ چیئرمین ایڈ ایشیا سرمد علی ءُُ جاوید جبار گشتانک کن اَنت وھدیکہ صدر مملکت ڈاکٹر عارف علوی ءِ بنگیجی مراگش ءَ ھاسیں مہمان ءِ بستار ءَ آیگ ءِ امیت انت ۔ سئے روچی ایڈ ایشیا کانفرنس ءِ بنگیج ایشن فیڈریشن آف فیڈریشن آف ایڈورٹائزنگ ایسوسی ایشن ءُُ پاکستان ایڈورٹائزنگ ایجنسیز ءِ یکجائیں کمک ءَ چہ بوھگ ءَ انت ۔ کانفرنس ءِ بنگیجی مراگش ءَ پیسریگیں کرکٹر وسیم اکرم، شرمین عبید چنائے، اسد جے ملک، علی ریاض، پیٹر فریپر ءَ ھوار ایندگر گشتانکار ھم جتا جتائیں سیشنز آنی تہ ءَ گشتانک دینت، 1958ءَ ایڈایشیا کانفرنس ٹوکیو ءَ برجم دارگ بوتگ ایشی ءَ چہ پد اے ایشیا ءِ درستاں چہ مستریں ایڈور ٹائزنگ ءُُ کمیونیکشن کانفرنس برجم دارگ بوھگ ءَ انت ۔ اے گپ لاءک ءِ توسیپ انت کہ برصغیر ءُُ فارس ءِ پڑ ے ءِ بے دروریں دود ءُُ ربیدگ اُردو وش نویسی ءَ را ھم کانفرنس ءَ ھاسیں جاھ ءِ دیگ بوتگ ۔ کانفرنس ءِ 61سالی راجدپتر ءَ اے اولی موہ انت کہ انگریزی ءِ گوما کانفرنس ءِ میزبانی ءَ ملک (پاکستان) ءِ راجی زبان اُردو ءَ اے کانفرنس ءِ ’’لوگو‘‘ تیار کنگ بوتگ ۔ میاں اوستمانی کانفرنس ءِ میزبانی کنوکیں شہر ءَ را ھم ھاسیں رنگ ءَ ساڑاھگ ءِ واستہ ’’لاہور لاہور انت‘‘ ءِ بے دروریں وش نویسی ءِ نمونہ ءِ گوما وش نویسی ءُُ ھندی دو د ءُُ ربیدگ ءَ ابید ٹرک آرٹ ءِ بے دروریں رنگ آناں ایشی ءِ تہ ءَ سہرا کنگ بوتگ ۔ 1989ءَ لاہور ءَ برجم بوھوکیں 16شانزدھمی ایشین ایڈورٹائزنگ کانفرنس ءَ پاکستان ءُُ سرج میں دگنیا ءَ 800ءَ چہ گیش کلانہ ایں ایڈورٹائزنگ ءُُ میڈیا ءِ کلانہ بھر زوری کن اَنت ءُُ اے کانفرنس ءَ در ملکی شریکیں مردم ءُُ پاکستان ءِ نیمگ ءَ چہ شریکیں بامردم آں اے کانفرنس ءَ را کامیات نامینتگ ۔ ایڈورٹائزنگ، مارکیٹنگ، کمیونیکیشن ءُُ میڈیا ءَ گوں سیادی داروکیں ادارگ ءُُ بلدکار آں امیت سہرا کت کہ گوستگیں وڑ ءَ کانفرنس ھم یاتگیری ءُُ لوٹ بوتگیں مول ءُُ مراد آنی دزگیری ءِ واستہ کامیاتی ءِ نزیکی بیت ۔