سرسہب ورناپروگرام نا رداٹ 10 لکھ درخواست ملانو، ہر سال پنچ لکھ ورناتے انٹرن شپ کرفنگک
اسلام آباد۔ 02دسمبر (اے پی پی) وزیراعظم ناخصوصی کمکار امور نوجوانان عثمان ڈار پارینے کہ سرسہب ورناپروگرام آ 100 ارب روپئی خڑچ کننگک، کاروبار اس بناکننگ کن 10 لکھ درخواست ملانو، ہر سال پنچ لکھ ورناتے انٹرن شپ کرفنگک۔ داخیال آتا درشانی ءِ او قائد اعظم یونیورسٹی ٹی سرسہب ورنااسٹارٹ اپ پروگرام آن بحیثیت مہمان خاص تران کرسا کرے۔ عثمان ڈار پارے کہ حکومتی بشخ اٹی روزگار تون نجی بشخ انا ہم است بڈی ءِ کننگک۔ اوپارے کہ سرسہب ورناپروگرام آ 100 ارب روپئی خڑچ کننگک۔ داپروگرام نا منظوری ءِ اسد عمر بحیثیت وزیر خزانہ تسوسس۔ اوپارے کہ داپروگرام نا رداٹ پنچ جتا ڈٹ بناکننگک۔ اوپارے کہ کاروبار کننگ کن 10 لکھ آن زیات درخواست ملانو۔ اوپارے کہ نن 15لکھ بندغ آتے کسب ہیل تننگ والا اُن۔ عمران خان زوت ورناتے ٹی چیک بشخک۔ اوپارے کہ نیشنل انٹرن شپ پروگرام ہم بناکننگ انگ ءِ ہرانا رداٹ ہرسال پنچ لکھ ورناتے انٹرن شپ کرفنگک۔ اوپارے کہ حکومتی بشخ اٹی روزگار تون اوار اوار نجی بشخ انا ہم است بڈی ءِ کننگک۔
