اسلام آباد۔ 02 دسمبر (اے پی پی) وزیراعظم آزاد کشمیر راجہ فاروق حیدر پارینے کہ پاک فوج انا آفیسر وورناک کنٹرول لین آ لغور بھارتی فوج انا سم کاری نا پبی ورندی ءِ تننگ ءُ، نشان حیدر نا حامل عظیم پاک فوج ننا مانءُ۔ تدوک آدے بھارتی بے خار سم کاری آن ٹھپی مروک آ پاک فوج انا اِرا آفیسر آتا زوت جان جوڑی کن دعا کننگ اُن۔ دوشنبے نادے آ داڑے تینا اسہ بیان اسے ٹی راجہ فاروق حیدر پارے کہ سوز ہلالی بیرک و فوج انا ورناتے ہرسا ننا بایدے دتر جوش کے۔ اوپارے کہ بھارتی فوج انا مورال پورو تمانے، کشمیریک بھارتی فوج ءِ تولہ اس جوڑ کرینو۔ وزیراعظم آزاد کشمیر پارے کہ کنٹرول لین آ رہینگوک آ بہادر کشمیریک پاک فوج انا ہم کوپہ ءُ، پاک فوج بھارتی توپ آتے یخ کرینے۔
