راولپنڈی۔ 02دسمبر (اے پی پی) چیئرمین فیڈرل بورڈ آف ریونیو (ایف بی آر) شبرزیدی پارینے کہ رجسٹرڈ خراج تروک آتیا ہچ ءُ چھاپہ اس خلنگ پننگک و نئے اوفتے زیزاریفنگک، باسک ایف بی آر کم اسہ آفیسر اسے ہم جرمانہ نا موکل مفک۔ بیرہ بڑزکو اتھارٹی ءِ جرمانہ غاتا اختیار تننگ آ امنا کننگانے، چنکا کاروبار کروک آتے کاروبار نا بنداو آ ٹرن اوور خراج کم کننگک۔ داخیال آتا درشانی ءِ چیئرمین فیڈرل بورڈ آف ریونیو(ایف بی آر) شبر زیدی راولپنڈی چیمبر آف کامرس اینڈ انڈسٹری نا ڈل اتون اوڑدہی ٹی کرے۔ داوخت آ اوپارے کہ سیکشن 152نا رداٹ سعودی عرب ءِ حج کمپنی تا ادائیگی نا تعین کننگک و ودہولڈنگ خراج آن مستثنیٰ مریک۔ سیلز خراج تون رجسٹرڈ ودہولڈنگ ایجنٹ آتے کن حد ءِ ودفنگک۔ امپورٹرز آتا رجسٹریشن ءِ آسان کننگک۔ ڈل اٹی صدر صبور ملک و پڑک لیڈر سہیل الطاف، مسکوہی صدور جلیل احمد ملک، اسد مشہدی، راجہ عامر اقبال، شاہد سلیم، سینئر نائب صدر نوشیروان خلیل خان و نائب صدر محمد حمزہ سروش ئسک ہم ساڑی ئسر۔ چیئرمین ایف بی آر اسمگلنگ تون مون تننگ کن پوریاگر برادری نامدت و کمک نا خواست کرے۔ آرسی سی آئی نا صدر صبور ملک پارے کہ قومی زرگزران مشکل ءُ وخت اسے آن گدرینگ انگءِ و زرگزران نا بحالی کن اسیجا کوشست آتے ٹی ایف بی آر کاروباری برادری تون گچین شریداری کے۔ اوپارے کہ داوڑنا چھاپہ و کاروباری ہند آتا بندش آن مارکیٹ اٹی منفی ءُ تاثر اس ملک۔
