کولمبو۔ 02دسمبر (اے پی پی) وزیر خارجہ مخدوم شاہ محمود قریشی پارینے کہ سری لنکا نا وزیر خارجہ ڈائنش گناوردینا تون اونا اوڑدہی بے کچ خوشگوار مس۔ کنے دا شرف ہم دوئی ءِ کہ ای سری لنکا نا پوسکن آ سرکڑدہ غاتا زمواری ءِ سنبھالنگ آن پد سری لنکا نا دورہ ءِ کروک آ اولیکو وزیر خارجہ اُٹ۔ داخیال آتا درشانی ءِ او دوشنبے نادے آ وزیر خارجہ سری لنکا تون اوڑدہی آن پد میڈیا تون گپ و تران کرسا کرے۔ شاہ محمود قریشی پارے کہ کنا سری لنکا ہم منصب تون اوڑدہی بے کچ خوشگوار مس۔ کنے دا شرف ہم دوئی ءِ کہ ای سری لنکا نا پوسکن آ سرکڑدہ غاتا زمواری ءِ سنبھالنگ آن پد سری لنکا نا دورہ ءِ کروک آ اولیکو وزیر خارجہ اُٹ۔ اوپارے کہ پاکستان و سری لنکا نا نیامٹ سوگو برادرانہ تعلقداری ءِ۔ نن دا تعلقداری تے پین سوگو کننگ کن گپ و تران کرینن۔ ای سری لنکن وزیر خارجہ ءِ پاکستان نا دورہ ءِ کننگ نا سلہ خلکونٹ۔ ای سری لنکا نا پوسکن گچین مروک آ صدر گوٹا بایاراجا پاکسا و وزیراعظم تون ہم اوڑدہی کیوہ۔ نن ڈیہہ ٹی امن کن اسہ ایلو نا کمکاری ءِ کرسا کرینن و تین پہ تینی واپار ءِ مون آ دننگ تون اوار مون آ ہِننگ نا بھاز انگا وارخواہی میسر ارے۔
